JEHESKIEL 4:4 - BIBEL JAMITA NA DENGGAN

⁴ Tapi anggo ho, manjorbing tu siambirang do jana payakkon ma hasalaan ni bangso Israel tu ginjangmu, marguru sian lolot ni angka ari parpodommu disi, songon i ma lolotna tanggungonmu hajahaton ni halahi.

JEHESKIEL 4:4 ပူးပေါင်းရင်းမြစ်များ

JEHESKIEL 4:5

Anggo Au madung Hubuhul tu ho angka taon hajahaton ni halahi lolotna 390 ari tanggungonmu hajahaton ni pinompar ni Israel.

JEHESKIEL 4:8

TambatonKu ma ho lopus nada tarpabalik ho pamatangmu sian siambirang tu siamun dohot sabalikna lopus marujung na manghobuk i.

HAMALIMON 10:17

“Biasi nada dipangan hamu haul hasesaan ni dosa i di sada inganan na badia? Na badia do haul i, madung dilehen Tuhan do i di hamu, anso disesa sude dosa ni halak Israel.

HAMALIMON 16:22

Obanon ni hambeng i ma dosa ni bangso Israel tu sada luat na gariang na so diingani jolma.

BILANGAN 14:34

Angkon taononmu ma panginona ni dosamunu opat pulu taon lolotna, sataon gonti ni sadari sian na opat pulu ari hamu mangaliati tano i. Botoonmunu sanga na bia daina, muda Au mangalo hamu!

BILANGAN 18:1

Didok Tuhan ma tu si Harun, “Ho Harun, dohot angka anakmi, bope angka halak Levi angkon tanggungonmunu do patunda ni angka hasalaan barang aha pe na mardomu dohot panghobasion di Bandar ParmiananKu tapi hum ho dohot anakmu sajo do na mananggung patunda ni karejo hamalimon.

MATEUS 8:17

Di na nibaen ni Jesus sudena i gabe hasongtian ma na nidok ni Panurirang Jesaya na mandok songon on, “Diporsan Ia do sude pardangolanta, dipamalum Ia do sude nyaenta.”

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.