JEHESKIEL 4:3 - BIBEL JAMITA NA DENGGAN

³ Buat ma panci bosi jana etong ma i tarsongon sada dinding bosi; payakkon ma panci i di antaramu dohot kota Jerusalem. Dung i paadop ma tu kota i, songon na ho sandiri ma na manghobuk kota i. Songon tanda do i di bangso Israel.

JEHESKIEL 4:3 ပူးပေါင်းရင်းမြစ်များ

JESAYA 20:3

Dompak hona hobuk kota Asdod, didok Tuhan ma, “Madung tolu taon marsae mara jana nada marsolop naposongKu si Jesaya. On ma tanda ni na giot tarjadi tu Mesir dohot Sudan.

JESAYA 22:7

Gok ma angka napa ni Juda dohot kareta porang. Madung hobas angka parangan na markudo di jolo ni angka horbangan ni Jerusalem.

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

JEREMIA 39:1

Di bulan sampulu taon pasambilankon si Zedekia mamarenta gabe raja ni Juda, ro ma si Nebukadnesar raja ni Babel rap dohot sude parangannia mamorangi Jerusalem.

JEREMIA 39:2

Di ari sambilan bulan opat taon pasabolaskon mamarenta Raja Zedekia, dionjar musu i ma tembok ni kota i,

JEHESKIEL 12:11

Patorang ma tu halahi, sanga aha na dibaenmi gambaran ni na giot tarjadi do i tu halahi, i ma: Gabe pangungsi noma halahi jana tabanan.

JEHESKIEL 5:2

Sapartolu angkon tutungonmu ma i di tonga-tonga ni kota i dung sidung hona hobuk. Sapartolu nari angkon jaljalanmu do i dohot podangmi lalu mardalan ho manghuliangi kota i. Jana na sapartolu nari i angkon sampakkononmu do i tu awang-awang i, jana buruonKu ma i dohot podangKu.

DANIEL 11:17

Dung i, hobasan ni raja ni Siria ma sude tentarania laho mamorangi Mesir. Dohot sada tujuan na giot patundukkon sude harajaan ni musuna, baenonnia ma sada partahian dohot musuna i jana pabagasonnia ma borunia dohot raja ni Mesir i; tapi nada manjadi sangkap na nibaennia i.

HAMALIMON 2:5

Muda roti na nitutung di bagasan pamanggangan do sisombahonon i, angkon roti na nibaen sian topung do na nibaur dohot miak zetun, tapi ulang marragi.

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.