JEHESKIEL 4:2 - BIBEL JAMITA NA DENGGAN

² Dung i gombarkon ma sada panghobuhan maradopkon kota i, dohot sude bondar, angka tano timbun, angka undung-undung dohot parkokas laho mangonjar humaliang tembokna i.

JEHESKIEL 4:2 ပူးပေါင်းရင်းမြစ်များ

2 SAMUEL 20:15

Tarbege ma tu parangan ni si Joab na di kota i si Seba, lalu dihobuk halahi ma kota i. Ditimbun halahi ma tano humaliang tembok parruar jana dipungka muse ma manghuar di toru ni tembok i laho mangunggalkonsa.

JESAYA 22:7

Gok ma angka napa ni Juda dohot kareta porang. Madung hobas angka parangan na markudo di jolo ni angka horbangan ni Jerusalem.

JEREMIA 32:24

Madung dipajongjong halak Babel angka tembok humaliang ni kota on laho manghobuk dohot mangarampassa jana saonnari mangaroro ma halahi. Parporangan, tangkuraparon dohot nyae masa ma mambaen madabu kota on tu tangan ni halahi. Diida Ho do tulus sude sandok na nidokkonMu.

JEREMIA 33:4

Au Tuhan, Debata ni Israel mandok, na giot hobuhon ma anggo kota Jerusalem jana disaroso lopus marumpak bagas godang ni raja Juda dohot angka bagas na di kota i.

JEREMIA 52:4

Patunda ni i ro ma si Nebukadnesar dohot sude parangannia jana diserang ia ma Jerusalem di tanggal sampulu bulan sampulu di taon pasambilankon dung mamarenta si Zedekia. Dipajongjong halahi ma markas di balian ni kota, dibaen ma tembok panghobuhan

JEREMIA 6:6

Songon on ma hata ni Tuhan Na Markuaso i, “Taba ma sude hayuna i, jana timbuni ma tano manghobuk Jerusalem, i ma kota siuhumon, angke hum hajahaton noma di kota on.

JEHESKIEL 21:22

Madabu tu tangan siamunna anak ni pana na manudu Jerusalem! Na nidokna disi, angkon hobuhon ni raja i ma kota Jerusalem. Dung i disurakkon ia ma surak-surak parporangan anso dihobasi angka tentarania i angka parkokas sipakeon laho mangonjar, dipasang ma i di angka pintu ni horbangan ni Jerusalem, manimbun tano mambaen tembok pangkobuhan dohot manghuar angka bondar.

JEHESKIEL 21:27

RoncohononKu ma sudena kota on, lopus di sude inganan hum sego-segona noma na adong. Tapi dung ro pe halak na Hutodo i laho manguhumi kota on anso tarjadi na songon i. Tusia ma pasahatonKu kota on.”

JEHESKIEL 5:2

Sapartolu angkon tutungonmu ma i di tonga-tonga ni kota i dung sidung hona hobuk. Sapartolu nari angkon jaljalanmu do i dohot podangmi lalu mardalan ho manghuliangi kota i. Jana na sapartolu nari i angkon sampakkononmu do i tu awang-awang i, jana buruonKu ma i dohot podangKu.

DANIEL 11:15

Dung i hobuhon ni raja ni Siria ma sada kota na marbenteng jana buatonna. Nada bisa tentara ni Mesir i martahan; angka tentara pilian pe nada adong be gogona.