JEHESKIEL 4:16 - BIBEL JAMITA NA DENGGAN

¹⁶ Dung i didok Ia muse, “Ale jolma parsantongkinan, abis baenonKu bohal simpanan na di Jerusalem. Mardongan biar dohot ganggu ni roha antaraan ni angka jolma noma mangankon sipanganonna dohot minum aek siinumonna.

JEHESKIEL 4:16 ပူးပေါင်းရင်းမြစ်များ

JEHESKIEL 5:16

Abis baenonKu simpanan ni balanjomu jana padiaronKu tangkuraparon halakmu. Hilalaon ni halahi ma paniak ni na malean, songon anak ni pana na tajom na manombuk jana mamatehon ho.

JESAYA 3:1

Jana satutuna Tuhan, Tuhan Na Markuaso, giot padaoonNa sian Jerusalem dohot sian Juda sandok jolma na nipangasahon ni halahi, dohot sude parsadiaan panganon dohot siinumon,

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

JEHESKIEL 14:13

muda mardosa sada luat nada setia tu Au, na giot uhumanKu do negara i. RoncohononKu ma bohal simpanan ni halahi, Huparo haleon potir jana Hubunu jolmana bope pahan-pahananna.

MASMUR 105:16

Dipadondonkon Tuhan tu luat ni halahi haleon, jana dibuat sian halahi sude simpanan ni panganon.

ANDUNG 5:9

Marmara do hami manjalahi sipanganon; harana dihaliangi pamunu do luatnami.

ANDUNG 1:11

Humolos humasusa halak kota i manjalahi bohalna; marsambar roti noma artana anso ulang jabat tos hosana. Tangis Jerusalem, “Ale Tuhan, ingot ma au, parrohahon ma sude pardangolanku.”

MASMUR 60:3

Dipadiar Ho do hami bangsoMon marnyae na so tartaon, songon halak na mabuk hami marambalan.

HALUMBAAN 6:5

Dung i dibuka Anak Ni Biri-biri i ma cap na patoluhon. Jana hubege ma mahluk na mangolu na patoluhon i mandok, “Ro ma ho!” ning ia. Hupamanat ma, gabe huida ma sada kudo na lomlom. Ditiop na manengget i ma sada timbangan di tangannia.

JEREMIA 52:6

Di tanggal sambilan bulan opat laing di bagasan taon i, dompak hajebuanna haleon potir lopus nada adong be sipanganon bagi aha di rayat i.

ANDUNG 5:4

Aek inumon dohot soban angkon dohot noma tobusan.

JEHESKIEL 4:15

Jadi didok Debata ma, “Antong denggan ma i! Songon gonti ni na hodar ni jolma i, tola do baenonmu kotoran ni lombu laho manutung roti i.”

AMOS 4:8

Di deba kota ma pola gale halakna hara ni na manguas, manjalahi aek tu kota na asing, hape nada tuk aek na disi. Haru pe songon i, laing na so mulak do hamu tu Au.

2 RAJA-RAJA 6:25

jadi gabe masa ma haleon potir di bagasan kota i, jabat mararga sada ulu ni halode salapan pulu hepeng perak jana dua ons kotoran ni darapati mararga lima hepeng perak.

2 RAJA-RAJA 25:3

Di tanggal sambilan bulan opat di taon i, nada adong be panganon ni rayat i.