JEHESKIEL 38:4 - BIBEL JAMITA NA DENGGAN

⁴ PaegolonKu ma ia, baenonKu harihir di isang-isang na i, jana ropoonKu haruar rap dohot sude parangannia i. Bahat sajo do parangannia na markudo na marpakean saragam i. Marsioban podangna parincena do ganop parajurit.

JEHESKIEL 38:4 ပူးပေါင်းရင်းမြစ်များ

2 RAJA-RAJA 19:28

Madung Hubege taringot tu ginjang ni rohami. Saonnari Huharihiri ma igungmi jana Hukokang pamanganmi anso Huela ho mulak mamolus dalan na nibolusmi di na ro ho.”

1 JUJUR TAON 12:8

Dompak di bagasan benteng na di halongonan si Daud, bahat do angka parporang na tarbarita boti na marpangalaman sian Marga Gad na ro gabe dongan ni si Daud. Angka parporang na malo do halahi mamake parince dohot hujur i, songon singa do idaon puluk-pulukna halahi jana tarsongon ursa lingkasna.

2 JUJUR TAON 25:5

Dipalagut Raja Amasia ma sude halak na sian Marga Juda dohot Benyamin lalu disuru ia ma halahi jongjong mangihutkon horongna be dipimpin komandan pasukan saribu dohot komandan pasukan saratus. Dung i dipili ia ma angka halak na marumur dua pulu taon tu ginjang na bolas gabe tentara jana malo mamake tombak dohot parince. Adong ma 300.000 halak bahatna.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

JESAYA 43:17

jana na marsuru tentara dohot angka na gogo laho marporang, parangan na markudo bage dohot martongtang. Tinggang do halahi, nada jongjong be mangulahi, songon api na mintop, marmatean halahi.

JEREMIA 46:9

Marpacu ma da, angka kudo! Mardalan ma da angka kareta! Maju ma da angka na gogo sian Sudan. Songon i dohot sitiop parince na sian Libia dohot panyior na malo na sian Lidia.’ ”

JEHESKIEL 23:12

Si Oholiba pe santak do por ni rohania di angka halak Asur i, i ma angka doli-doli na tongam na sian parangan na markudo, angka namora dohot parpangkat na timbo, maradu angka tentara na marpakean saragam na rara bunga torung i.

JEHESKIEL 29:4

BaenonKu ma harihir di isang-isangmi jana lohotkononku angka ihan di sisikmi. Dung i Hutarik ma ho haruar sian Batang aek Nil dohot sude ihan na lohot di sisikmi.

JEHESKIEL 38:15

Kehe ho mardalan sian ingananmu na di Utara, diudurkon tentara sibahat-bahat jana na gogo situtu, na markudo do i sude sian ragam ni angka bangso.

JEHESKIEL 38:3

Dokkon ma tusia Au do Tuhan Debata, musunia do Au.

JEHESKIEL 39:2

PaegolonKu ma ia, jana saratonKu haruar sian luat sihadaoan na di Utara, lalu obanonKu tu angka dolok ni Israel.

JEHESKIEL 39:20

Butongan ma hamu di pestangKi, mangankon kudo dohot na manenggetsa, angka na gogo dohot halak parporang. Songon i ma didok Tuhan Debata.”

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.

AMOS 4:2

Au Tuhan Debata, Tuhan Na Badia do Au, jana madung Hujanjihon, muli dapot do hatihana saraton hamu dohot saitan; songon ihan na hona hail ma hamu.