JEHESKIEL 32:4 - BIBEL JAMITA NA DENGGAN

⁴ OmpaskononKu ma ho tu tano jana suruonKu ma sude unggas maradu angka binatang sian tano on sudena mamangani ho.

JEHESKIEL 32:4 ပူးပေါင်းရင်းမြစ်များ

JESAYA 18:6

Tadingkonon ma angka bangke ni tentarana i gabe sipanganon ni angka unggas dohot binatang panyoro. Papanganan ni angka unggas ma i dompak di logo ni ari jana di musim nonat gabe soroan ni binatang riar ma i.”

JEHESKIEL 29:5

Dung i Hudanggurkon ma ho dohot ihan i sude tu parhorsihan. Ompas ma pamatangmi tu tano jana gampalang ma ho disi. Sahalak pe nada adong na manguburkon ho. LehenonKu ma pamatangmi di angka unggas dohot binatang na asing anso dipapangani.

JOEL 3:19

Anggo Mesir gabe halongonan na harsang, jana Edom gabe tano na harsang na so hainganan jolma. Angke diporangi halahi do tano Juda, jana dibunu halak na disi do na so marsala.

JEREMIA 25:33

Anggo di ari i marpayahan ma angka bangke ni jolma na nimatehon ni Tuhan di sude sisik ni tano on. Nada nitangisan halahi, nada dioban muse laho mananomsa, tapi dipadiar do i di tano i sajo songon parpunguan ni rompak.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

JESAYA 66:24

Laho kehe, idaon ni halahi ma angka bangke marserak; i ma angka halak na mangalo tu Au. Binga na mamangani bangke ni halahi i, inda na ra mate, jana api na manutung halahi i nada ra mintop; pamandangan na jorbut ma i di sude jolma.”

JESAYA 14:19

hape anggo ho umpe adong kuburanmu; diambungkon do bangkemu jana dipadiar gabe busuk didondoni angka bangke ni parporang na marmatean di bagasan porang, disampakkon rap dohot halahi tu bagasan liang batu lalu dilonca-lonca.

MASMUR 74:14

Diropuki Ho angka ulu ni Lewiatan dibaen Ho do i gabe soroan ni binatang harangan.

MASMUR 63:10

Mate ma halahi di parporangan jana gabe papanganan ni binatang sorigala.

JEHESKIEL 35:8

TutuponKu ma angka dolok dohot angka bangkemu, tor dohot rura gohanKu dohot na mate dipangan porang.