JEHESKIEL 32:3 - BIBEL JAMITA NA DENGGAN

³ Taran marlagut angka bangso, tangkuponKu ma ho dohot jalangKi, jana padiaronKu ma ho saraton ni angka bangso-bangso i tu darat.

JEHESKIEL 32:3 ပူးပေါင်းရင်းမြစ်များ

JOB 7:12

Biasi ma he au on angkon sai torus mataan jana jagoanMu? Adong he lakna naga padoha parmaraan au?

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

JEHESKIEL 12:13

Tapi sampakkononKu ma jalangKu laho manangkup ia. Dung i obanonKu ma ia tu kota Babel jana disi noma marujung ngolunia, so jungada diida matania kota i.

JEHESKIEL 17:20

SampakkononKu ma jala laho manangkup ia. ObanonKu ma ia tu Babel jana hona uhum disi baenonKu hara ni na so setia ia tu Au.

HOSEA 7:12

Tapi taononKu noma jaring, jana tangkuponKu halahi songon na manangkup unggas na mamolus. UhumanKu noma halahi hara ni angka parbuatan ni halahi na jahat i.