JEHESKIEL 32:2 - BIBEL JAMITA NA DENGGAN

² “Ale anak ni jolma parsantongkinan, lehen ma hata na karas paingotkon raja ni Mesir. Palalu ma tonangKon tusia, ‘Dipasuman ho dirimu dohot singa jara-jara di tonga-tonga ni angka bangso, hape sumanan dope ho tu buaya na marrondam-rondam di bagasan aek. Dihorui jana dikotori patmi do sandok batang aek.

JEHESKIEL 32:2 ပူးပေါင်းရင်းမြစ်များ

PAMUNGKAAN 49:9

Songon singa do si Juda. Matehononna do soroanna, jana mulak tu asarna, marngeat ma ia lalu modom-modom. Nada adong umpe sahalak na puluk paorotkon ia.

JOB 41:23

Umpe saotik na gale-gale di bobakna; nada ra i mabola harana songon pir ni baja.

JOB 7:12

Biasi ma he au on angkon sai torus mataan jana jagoanMu? Adong he lakna naga padoha parmaraan au?

PODA 25:26

Halak na burju na patalu roha tu halak na jahat tudos ma i tu mual ni aek na horu sanga sumur na hodar.

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

PODA 30:30

Singa, binatang na gumogo sian antara ni sude binatang jana na so mabiar maradopkon sanga aha;

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 46:7

Ise dehe i na manaek songon aek ni Batang aek Nil, na songon batang aek na mangunongi topi-topina?

JEREMIA 46:8

I ma da Mesir. Didok ia, ‘Jongjong noma au jana rajaanku portibi on. Roncohononku angka kota maradu pangisina.

JEREMIA 9:18

Sigop ma halahi ro jana tumatangis hara ni hita, anso marlinang matanta jana manetek ilunta.”

JEHESKIEL 26:17

Dung i endehonon ni halahi ma ende mangubur na mate di hamu songon on: Madung masego kota na tarpuji! Dihais sian laut sude kapalna i. Halakna i markuaso humani do di laut mambaen angka halak pasisir mabiar jana heput.

JEHESKIEL 27:32

Dung i diandungkon halahi ma songon on mangandungi ho: Ise ma na songon Tirus, na dung diagohon di tonga ni laut?

JEHESKIEL 28:12

“Ale anak ni jolma, andungi ma raja ni Tirus. Palalu ma sanga aha na Hudok, Au Tuhan Debata mandok tusia, ‘Jungada do ho gabe gambaran ni na sanggam, najolo, i noma pistarmu dohot tongammu!

JEHESKIEL 29:15

harajaan na gumale sian sandok tano on. BaenonKu ma hamu sun galena lopus nada tarbaen hamu be mamarenta angka bangso na asing.

JEHESKIEL 29:3

Jana dohononmu ma: Songon on do hata ni Tuhan Debata, “Ligi ma, musumu do Au ale Raja Parao, raja ni Mesir, buaya na godang i na manggompang di tonga-tonga ni batang aek, na mandok: Au do nampuna Batang aek Nil jana au do mambaen i.

JEHESKIEL 32:16

Sipaingot na koras on ma gabe ende siluluton. Endehonon ni angka dadaboru na sian bangso na asing ma i, patandahon siluluton tu Mesir, dohot sude rayatna i. Au Tuhan Debata madung mandok songon i.”

JEHESKIEL 32:18

“Ale anak ni jolma, mangandung ma ho hara ni rayat na di Mesir. Tongoskon ma halahi tu inganan ni jolma na mate rap dohot angka luat na gogo-gogo na asing i.

JEHESKIEL 34:18

Adong do sian tonga-tongamunu na so dabu rohana muda hum mangabiskon jampalan na jumeges, tapi dohot do muse mandegei ruput na so giot panganon ni halahi! Diinum halahi aek na lan, dung i dihorui halahi aek na so giot inumon ni halahi be!

JEHESKIEL 38:13

Sapa-sapa ma tu ho halak Seba dohot Dedan maradu angka parboniaga na di angka kota ni Luat Spanyol songon on, ‘Na giot mangarampas dohot manangko sere, perak, pahan-pahanan dohot barang-barang dehe umbaen diarahon tentarami lalu maroban sudena i?’ ”

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.