JEHESKIEL 3:8 - BIBEL JAMITA NA DENGGAN

⁸ Hupatogu pe rohamu mangalo hajogalon ni roha ni halahi jana Hubahen pe ho songon bosibaja maradopkon hajogalon ni roha ni halahi.

JEHESKIEL 3:8 ပူးပေါင်းရင်းမြစ်များ

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

JESAYA 50:7

Hape nada mampan incak ni halahi, dibaen dilehen Tuhan Debata pangurupi. Hupatogu rohangku songon togu ni dolok batu, angke huboto nada au dibaen maila.

JEREMIA 1:18

Angke anggo Au, satutuna sadari on baenonKu ma ho gabe kota na marbenteng, gabe tiang bosi dohot gabe tembok tumbaga, mangalo sude raja-raja ni Juda dohot angka pegawaina, mangalo angka malim dohot rayat ni negara on.

JEREMIA 15:20

BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEHESKIEL 3:7

Tapi anggo bangso Israel nada ra manangihon na nidokmu, salangkan Au so ditangihon halahi. Sijogal roha do halahi sude jana sai mangalo.

JEHESKIEL 3:9

BahenonKu ma ho pir songon togu ni batu mamak dohot songon batu intan, anso ulang mabiar ho mida angka hajogalon ni roha ni halahi.”

MIKA 3:8

Tapi anggo taringot tu diringku, na dung digohi Tuhan do au dohot tondiNa bope dohot kuasoNia. Dilehen Ia do di au parbinotoan taringot tu hatigoran, jana dilehen Ia do di au habaranion laho patangkaskon tu halak Israel angka dosa na nibaen ni halahi.

IBRANI 11:27

Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.