JEHESKIEL 3:4 - BIBEL JAMITA NA DENGGAN

⁴ Didok Ia ma mangulahi, “Ale jolma parsantongkinan, kehe ma ho mandapotkon angka halak Israel jana palalu ma sude na Hutonahon tu halahi.

JEHESKIEL 3:4 ပူးပေါင်းရင်းမြစ်များ

JEHESKIEL 11:25

Dung i hucaritohon ma tu angka halak buangan i sude na nipatidahon ni Tuhan i tu au.

JEHESKIEL 11:4

Hara ni i palalu ma tonangKu adop halahi, palalu ma tonangKu, ‘Ale anak ni jolma!’ ”

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

JEHESKIEL 2:4

Sijogal roha do halahi jana nada dipasangap halahi Au. Husuru ho tu halahi laho palaluhon sanga aha na Hudok tu halahi, Au do Tuhan Debata mandok,

JEHESKIEL 2:7

Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

JEHESKIEL 20:27

Antong, ale jolma parsantongkinan, pabolkas ma tu halak Israel, sanga aha na Hudok, Au Tuhan Debata mandok tu halahi: On ma tudosan na asing na patuduhon sanga songon dia pambaen ni ompumunu i mangalayasi Au jana naso burju maradophon Au.

JEHESKIEL 3:11

Kehe ma ho mandapotkon bangsomu na di habuangan i jana palalu ma sanga aha na Hudok tu halahi, Au Tuhan Debata do mandok, sanga na ra pe halahi manangihon sanga nada.”

JEHESKIEL 3:3

Didok Ia ma, “Ale jolma parsantongkinan, pangan ma i! Pamasuk ma balunan ni karotes on tu butuhamu.” Jadi hupangan ma karotes i jana tonggi do daina songon aer ni loba.

JEHESKIEL 3:5

Tu halahi do ho Husuru, nada tu bangso na maol hatana, tapi tu pinompar ni Israel do.

MATEUS 15:24

Dialusi Jesus ma, “Hum tu angka biri-biri na lilu sian tonga-tonga ni Israel do Au disuru.”

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”