JEHESKIEL 26:2 - BIBEL JAMITA NA DENGGAN

² “Ale jolma parsantongkinan, marsurak-surak do halak Tirus lalu mandok, ‘Madung maronco Jerusalem! Gogona di parboniagaan madung mago! Nada be imbangta i!’ ”

JEHESKIEL 26:2 ပူးပေါင်းရင်းမြစ်များ

2 SAMUEL 5:11

Ditongos Raja Hiram na sian Tirus do utusan parboniagaon tu si Daud. Dipasingkop si Hiram do di si Daud hayu sampinur Libanon rap dohot angka tukang hayu dohot angka tukang batu laho pajongjong bagas godang.

MASMUR 35:21

Dipasala halahi do au jana pio-pio paboa na dung tardapot di halahi pangalahongku.

MASMUR 40:15

Padiar ma gabe heput jana maila halak na martataihon au.

MASMUR 40:16

Sai marmoga-moga jana marjop ni roha ma sandok halak na manjalahi Ho. Sai sude ma nian mandok tarimakasi hara ni haluaan na nilehenMu torus mandok, “Na godang ma da Tuhan tutu!”

MASMUR 70:3

Sugari halak na martataihon au gabe tarsonggot ma nian jana maila.

MASMUR 83:7

Bangso Gebal, Amon dohot Amalek, bangso Pilistea maradu halak Tirus bage.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

JEREMIA 27:3

Dung i disuru Tuhan Na Markuaso i, Debata ni Israel ma au palaluhon tonaNia tu angka raja ni Edom, Moab, Amon, Tirus dohot Sidon, marhite angka suruan ni halahi na ro tu Jerusalem manopot Raja Zedekia. On ma tona ni Tuhan i,

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

JEREMIA 49:1

On ma na nidok ni Tuhan taringot tu Amon, “Biasi tano ni Marga Gad dirampas jana diingani angka jolma na mamele Debata Milkom? Adong he ulaning na soada be halak Israel na margogo laho mangondihon luat i?

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

JEHESKIEL 25:10

PadiaronKu ma angka marga ni bangso na sian Habincaran manaluhon Moab dohot Amon, lopus nada be marrumang sada bangso Moab.

JEHESKIEL 25:6

Mangkuling ma Tuhan Debata i, “Martopapi hamu marjop ni roha. Layas diida hamu tano Israel i.

JEHESKIEL 25:8

Didok Tuhan Debata i ma, “Pandok ni Moab sarupa tu angka bangso na asing do anggo Juda i.

JEHESKIEL 26:1

Di tanggal sada di sada bulan di taon pasabolaskon habuangannami, mangkuling ma Tuhan tu au mandok,

JEHESKIEL 35:10

Anggo pandokmunu, hakmunu ma Juda bope Israel dohot tanona i, jana hamu ma torus nampunasa haru pe Au do Tuhan, Debata ni halahi.

JEHESKIEL 36:2

songon on ma didok Tuhan Debata, ‘Hara ni na nidokkon ni angka musu i taringot tu hamu: Tarimakasi, angka dolok sian na jolo madung gabe hita nampunasa.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

JOSUA 19:29

Sian i mangeldok ma batas i tu Rama lopus tu kota Tirus, i ma sada kota na marbenteng; dung i mangeldok ma mangulahi garis batas i tu Hosa lalu marujung ma di Laut Tonga. Masuk tu bagasan batas i ma Mahalab, Aksib,