JEHESKIEL 24:3 - BIBEL JAMITA NA DENGGAN

³ Dokkon ma sada umpama tu halak pambarontak jana dokkon ma tu halahi: Songon on do hata ni Tuhan Debata, ‘Payakkon ma huali di ginjang ni api, payakkon ma, jana baen ma muse aek tu bagasan.

JEHESKIEL 24:3 ပူးပေါင်းရင်းမြစ်များ

2 RAJA-RAJA 4:38

Dung i mulak ma si Elisa tu Gilgal di hatiha masa haleon di luat i. Jana di sada hatiha juguk ma angka panurirang di jolonia, mangkuling ma ia tu naposona, “Baen ma huali na gumodang i di ginjang ni api jana lompa ma panganon di angka panurirang i.”

MASMUR 78:2

Giot dokkononku ma pandohan dohot umpama, patorangonku ma torkan-torkanan sian narobi.

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JESAYA 29:2

Angka andung-andung dohot na tangis noma tarbege disi songon langgatan panutungan noma sude kota i.

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

JESAYA 30:9

Hara ni na sai mangalo halahi tu Debata, sai margabus, jana nada jungada ra manangihon pangajaran ni Tuhan.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JEREMIA 1:13

Dung i didok Tuhan ma paduanolihon tu au, “Aha dope na niidamu?” Alusku, “Adong huida hudon na gurgur na ro sian sabola Utara.”

JEREMIA 1:14

Didok Tuhan ma, “Ro ma durus parmaraan sian Utara jana songgop ma i tu halak na di luat on sude.

JEHESKIEL 11:11

Jadi nada adong be hasonanganmunu di kota on, nada songon juhut na di bagasan hudon. KojaronKu hamu jana uhumanKu sanga na di dia pe hamu di tano Israel.

JEHESKIEL 11:3

Na mandok: Nada he santongkin dope dung tabangun angka bagasta on muse? Kota on do hudon jana hita juhutna.

JEHESKIEL 11:7

Hara ni i, Au Tuhan Debata, mandok tu hamu: Tutu ma da i, hudon do antong kota on, tapi anggo juhutna di bagasan nada hamu, tapi bangke ni angka jolma na nibunumunu do! Anggo hamu usironKu do sian kota on!

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

JEHESKIEL 12:25

Au Tuhan Debata, Au sandiri noma manghobari tu bangso Israel jana sude na Hudokkon musti angkon tarjadi, nada pola marlambat-lambat be. Tangihon hamu ma, ale angka pangalo! Taran di ngolumunu on dope, dalankononKu ma sandok na dung Hupaboa hian tu hamu. Au Tuhan Debata madung mandok songon i.”

JEHESKIEL 17:12

“Sapai ma tu angka pangalo i sanga na diastui halahi do umpama i. Palalu tu halahi bahaso na dung ro raja ni Babel tu Jerusalem, jana dioban ia raja ni Juda maradu angka halak na godang sian kota i tu Babel baen donganna.

JEHESKIEL 17:2

Ale anak ni jolma parsantongkinan, hatahon ma sada umpama tu Israel.

JEHESKIEL 2:2

Di na hubege sora i, masuk ma Tondi i tu bagasan diringku jana dipajongjong ia ma au. Dung i hubege ma mangulahi sora i mandok,

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

JEHESKIEL 2:5

sanga na ra do halahi manangihon sanga nada; na porlu, angkon botoon ni halahi do, bahaso na adong do panurirang di tonga-tonga ni halahi.”

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

JEHESKIEL 2:8

“Ale jolma parsantongkinan, tangihon ma sanga aha na Hudok tu ho. Ulang dohot muse ho mangalo. Pangangang ma pamanganmi, jana pangan ma sanga aha na Hulehen di ho.”

JEHESKIEL 20:49

Jadi hudok ma: “O ale Tuhan Debata, didok halahi tu au: Nada he hum angka hata sindiran do didok ia?”

JEHESKIEL 24:6

Didok Tuhan Debata i ma, “Marjaya ma kota i na gok dohot sibunu jolma! Songon huali na tasikon na so unjung dibasu do kota i. Diparuar ma juhut i sian bagasan sasangkorot, lopus nada adong be na tinggal.

JEHESKIEL 3:9

BahenonKu ma ho pir songon togu ni batu mamak dohot songon batu intan, anso ulang mabiar ho mida angka hajogalon ni roha ni halahi.”

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

MARKUS 12:12

Jadi sude angka pangituai ni halak Jahudi na umbege umpama nangkin, rap manjalahi dalan ma laho manangkup Jesus. Harana diboto halahi do, halahi sandiri do na nidok ni Jesus di umpamana i. Tapi mabiar do halahi di halak na bahat i, gabe ditinggalkon halahi ma Jesus.

LUKAS 8:10

Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.