JEHESKIEL 22:9 - BIBEL JAMITA NA DENGGAN

⁹ Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

JEHESKIEL 22:9 ပူးပေါင်းရင်းမြစ်များ

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 106:28

Di Peor, marsomba halahi tu Baal, jana dipangansa pelean ni angka debata.

MASMUR 50:20

Sadihari sajo, matua na pabile kahanggimu do ho, jana pahata-hata donganmu saama-saina.

HARURUAR 20:16

Ulang gabe saksi pargabus maradopkon dongan.

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

PODA 18:8

Songon sipanganon na tabo do hobar na pajatjatkon, manigor bonduton do i.

PODA 26:22

Tabo do dai ni hata na dipatubu-tubu; dihagioti halak na mamondut.

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

JEHESKIEL 11:6

Songon i ma bahatna jolma na hona bunu dibaen hamu, jabat gok bangke angka dalan ni kota i.

JEHESKIEL 16:43

Hara ni na so diingot ho be hatiha haposoonmu, gabe muruk Au, tutu, dabuonKu ma uhum tu ho hara ni hajahatonmu, songon i ma didok Tuhan Debata. Nada he na markarosuan do ho muse di balik ni nasa pambaenanmu na nihagigihon i?”

JEHESKIEL 18:11

so unjung dibaen amangna i. Dipangan ia pelean na disombahon di angka inganan parsombaan ni angka debata. Digoda jana diangkupi ia modom dadaboru ni halak.

JEHESKIEL 18:15

Nada ra anakna i manyomba gana-ganaan ni halak Israel sanga mangankon haul na dipelehon di angka inganan parsombaan ni angka debata. Nada jungada digoda ia dadaboru ni halak,

JEHESKIEL 18:6

Nada disomba ia gana-ganaan ni halak Israel sanga mangankon haul di angka inganan parsombaan tu debata. Nada jungada digoda ia dadaboru ni halak sanga modom rap dohot dadaboru na ro bulanna.

JEHESKIEL 23:29

Dibaen goyak do roha ni halahi tu ho, rampason ni halahi ma sude suha ni halolojamu. Tadingkononna ma ho nada adong sada bonang alit di pamatangmu songon dadaboru panggampang jana gabe sitontonon ni halak na bahat. Patunda ni gintalna ma hagiotmu dohot hajorngangonmu,

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

HOSEA 4:10

Panganonmunu do nian sian angka haul na nihaulkon i, hape tongtong malean. Sombaonmunu ma angka debata hagabean, tapi laing nada maruntungan hamu, angke madung ditadingkon hamu Au laho marsomba hamu tu angka debata.”

HOSEA 4:14

Tapi nada uhumonKu halahi hara ni i, angke hamu sandiri pe kehe do tu angka panggampang na markarejo di angka bagas parsombaan, jana dihaulkon hamu do haul tu debata rap dohot halahi. Tutu situtu ma da na nidok ni pandohan on, ‘Jana bangso na so marpangastuion angkon maronco.’

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

HOSEA 6:9

Songon punguan ni panyamun na mangambat halak pamolus do angka malim na di kota i. Salang di dalan laho tu inganan na badia di Sikem pe puluk do halahi mamunu jolma! Disangajo halahi do mambaen hajahatan i sude.

HOSEA 7:4

Sude do halahi angka parkarosuan, songon dapur na torus marapi, hatiha tukang roti maradian pagarahon apina, dompak mambaen adonan dope ia.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MATEUS 26:59

Dijalahi angka kapala ni malim i ma dohot sude parrapot i angka hasaksian na so tutu laho mangalo Jesus anso adong dalanna baenon ni halahi mamunu Ia.

BAENON NI ANGKA RASUL 24:13

Nada tarbuktihon halahi muse angka adu-aduan ni halahi tu tuan i salaho tu au.

BAENON NI ANGKA RASUL 24:5

Na tardapot hami do bayo on mambaen gaor. Sanga na di dia tongtong manggaori ia tu halak Jahudi, jana ia do pamimpin ni golongan Nasrani.

HAKIM-HAKIM 20:6

Jadi gabe hubuat ma bangkena i lalu huponggol-ponggol, dung i hutongos ma i tu marga ni Israel na dua bolas i samponggol be. Hubaen pe songon i hara ni angka halak Gibea i do na mambaen na jahat jana sihailahononkon di tonga-tonga ni halak Israel.

1 SAMUEL 24:10

Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?