JEHESKIEL 22:2 - BIBEL JAMITA NA DENGGAN

² “Ale jolma parsantongkinan, na dung hobas dehe ho laho manguhumi kota na gok sibunu jolma i? Patuduhon ma tusia sude pangalahonia na nihagigihon i.”

JEHESKIEL 22:2 ပူးပေါင်းရင်းမြစ်များ

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

JESAYA 58:1

Marsurak ma sagogomu, ulang ma tahan-tahan. Marsurak ma sagogomu songon sarune. Paboa ma tu bangsongKu taringot tu hasalaan ni halahi dohot tu pomparan ni si Jakob taringot tu dosa ni halahi!

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JEREMIA 2:34

Hodar do pakeanmunu hara ni mudar ni halak na pogos dohot na so marsala, nada hara ni mudar ni panangko. Tapi haru songon i pe,

JEHESKIEL 11:6

Songon i ma bahatna jolma na hona bunu dibaen hamu, jabat gok bangke angka dalan ni kota i.

JEHESKIEL 20:4

Ale jolma parsantongkinan, madung he hobas ho laho manguhumi halahi? Aha dope, dalankon ma! Sungguli ma tu parningotan ni halahi sandok hagigian na nipambaenan ni ompu ni halahi.

JEHESKIEL 22:1

Mangkuling ma Tuhan tu au, ning Ia ma,

JEHESKIEL 22:3

Jana dohononmu ma: Songon on hata ni Tuhan Debata: “Hara ni madung bahat dibunu ho sian halak bangsomu, jana dipahodar ho dirimu marhite na marsomba gana-ganaan na binaenmu sandiri, madung jumpang hatihamu uhumon.

JEHESKIEL 24:6

Didok Tuhan Debata i ma, “Marjaya ma kota i na gok dohot sibunu jolma! Songon huali na tasikon na so unjung dibasu do kota i. Diparuar ma juhut i sian bagasan sasangkorot, lopus nada adong be na tinggal.

JEHESKIEL 24:9

Didok Tuhan Debata i ma, “Marjaya ma kota i na gok dohot sibunu jolma! Au sandiri ma mangatur sobanna laho manyurbusa.

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

HOSEA 4:2

Dibaen halahi janji hape nada digohi halahi; margabus, mamunu, manangko, manggampang do halahi. Martamba do hajahatan jana mardapot-dapot pamunuon.

NAHUM 3:1

Marjaya ma kota na gok pamunuon! Gok gabus do sude, na gok dohot panyamun, dohot panangkupon na so mar na so!

MATEUS 23:35

Ujungna madabu ma tu hamu uhuman hara ni na nibunumunu sude angka na so marsala i mamungka sian pamunuon na tu si Abel na so marsala i lalu tu pamunuon na tu si Zakaria anak ni si Berekia na giot bunuonmunu di holang-kolang ni bilik na badia dohot inganan ni haul na di Bagas Ni Debata i.

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

LUKAS 11:50

Anso tuntuton ma tu halak sisaonnari on mudar ni sude panurirang, na dung durus mamungka sian parmulaan ni tano on.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.