JEHESKIEL 2:8 - BIBEL JAMITA NA DENGGAN

⁸ “Ale jolma parsantongkinan, tangihon ma sanga aha na Hudok tu ho. Ulang dohot muse ho mangalo. Pangangang ma pamanganmi, jana pangan ma sanga aha na Hulehen di ho.”

JEHESKIEL 2:8 ပူးပေါင်းရင်းမြစ်များ

MASMUR 105:28

Dipamasa Tuhan di luat i golap marimpot-impot, hape dialo bangso Mesir do parentaNia.

JESAYA 50:5

Madung dibuka Tuhan Debata pinggolku, jana nada mangalo au, nada marbalik tu pudi.

JESAYA 8:11

Marhite kuasoNia na godang i dilehen Ia ma sipaingot tu au anso ulang hutiru pangalaho ni bangso i.

JEREMIA 13:2

Jadi kehe ma au manobusi bobat abit i lalu hupake.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

JEHESKIEL 12:7

Dung i hupatulus ma na niparentahon ni Tuhan i tu au. Laing di na sadari i, arian dope, huhobasi ma angka barang-barangku tu sada gendongan, songon na somal dibaen halak pangungsi. Dung mamungka samon ari, hubaen ma lubang dohot tanganku di tembok ni bagaski, lalu haruar ma au sian lubang i. Laing diparrohahon jolma i sude, huporsan ma gendongan i di abarangku, lalu kehe ma au.

JEHESKIEL 3:10

Didok Ia muse, “Ale jolma parsantongkinan, tangkas ma parrohahon jana ingot ma sudena na giot sidokkononKu tu ho.

JEHESKIEL 33:7

Ale jolma parsantongkinan, Huangkat do ho gabe panjago ni bangso Israel. Palalu ma tu halahi sipaingot on:

JEHESKIEL 40:4

Didok bayo i ma tu au, “Ale jolma parsantongkinan, tangkas tangihon dohot parrohahon sude sanga aha na hupatidahon tu ho, angke hara ni i do umbaen na dioban ho tuson. Paboa ma tu bangso Israel sude na giot patidahonon tu ho.”

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

BILANGAN 20:24

“Nada dohot be si Harun masuk tu tano na dung Hujanjihon tu halak Israel, angkon mate noma ia, dibaen dialo hamu na dua parentangKu di Meriba.

1 PETRUS 5:3

Ulang ma songon pambaen ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi.

HALUMBAAN 10:9

Jadi kehe ma au mandapotkon surusuruan i jana hupangido ma anso dilehen ia balunan ni buku na menek i tu au. Didok ia ma tu au, “Jomput jana pangan ma on. Gabe paet ma i di bagasan butuhamu, tapi anggo di pamanganmu tonggi do songon aer ni loba.”