JEHESKIEL 2:7 - BIBEL JAMITA NA DENGGAN

⁷ Palalu ma sude na Hutonahon tu halahi, sanga ra pe halahi manangihon i sanga nada. Ingot ma, angka pangalo do halahi.

JEHESKIEL 2:7 ပူးပေါင်းရင်းမြစ်များ

HARURUAR 6:29

didok Tuhan ma, “Au do Tuhan. Pabolkas ma tu raja Mesir, sude na dung Hudok tu ho.”

JEREMIA 1:17

On pe markobas ma ho, Jeremia! Kehe ma ho jana paboa ma tu halahi sandok na Huparentahon tu ho. Ulang ho mabiar mida halahi, anso ulang Hubaen ho mur mabiar muda maradopan dohot halahi.

JEREMIA 1:7

Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

JEREMIA 17:20

Palaluhon tonaNia tu angka raja-raja dohot sude halak Juda maradu sude halak na maringanan di Jerusalem na mamolus sian pintu i.

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

JEREMIA 34:6

Jadi hupalalu ma tona ni Tuhan i tu Raja Zedekia di Jerusalem

JEREMIA 36:14

Dung i disuru angka pajabat i ma si Jehudi (i ma anak ni si Netanya, pahompu ni si Selemia, dohot anak mulak ni si Kusi) mandapotkon si Barukh mardongan parenta anso ro si Barukh tu halahi maroban surat balunan na nisisenia i. Jadi dioban si Barukh ma surat i.

JEREMIA 42:21

Saonnari madung hupalalu tu hamu tona ni Tuhan Debatanta i, hape nada ra hamu mangoloisa.

JEREMIA 44:20

Tu sude halaklahi dohot dadaboru na songon i alusna, hudok ma,

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

JEREMIA 7:27

Dung i didok Tuhan ma tu si Jeremia, “Hara ni i ale Jeremia, haru pe dipaboa ho sudena i tu bangsongKu, nada na ra halahi mamparrohahon angka hata na nidokmi. Haru pe halahi dipiohon nada ra halahi mangalusi i.

JEHESKIEL 11:25

Dung i hucaritohon ma tu angka halak buangan i sude na nipatidahon ni Tuhan i tu au.

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

JEHESKIEL 2:5

sanga na ra do halahi manangihon sanga nada; na porlu, angkon botoon ni halahi do, bahaso na adong do panurirang di tonga-tonga ni halahi.”

JEHESKIEL 20:27

Antong, ale jolma parsantongkinan, pabolkas ma tu halak Israel, sanga aha na Hudok, Au Tuhan Debata mandok tu halahi: On ma tudosan na asing na patuduhon sanga songon dia pambaen ni ompumunu i mangalayasi Au jana naso burju maradophon Au.

JEHESKIEL 3:10

Didok Ia muse, “Ale jolma parsantongkinan, tangkas ma parrohahon jana ingot ma sudena na giot sidokkononKu tu ho.

JEHESKIEL 3:17

“Ale jolma parsantongkinan, Huangkat ma ho gabe panjago ni Israel. Palalu ma tu halahi sipaingot on.

JEHESKIEL 3:4

Didok Ia ma mangulahi, “Ale jolma parsantongkinan, kehe ma ho mandapotkon angka halak Israel jana palalu ma sude na Hutonahon tu halahi.

JEHESKIEL 33:7

Ale jolma parsantongkinan, Huangkat do ho gabe panjago ni bangso Israel. Palalu ma tu halahi sipaingot on:

JEHESKIEL 40:4

Didok bayo i ma tu au, “Ale jolma parsantongkinan, tangkas tangihon dohot parrohahon sude sanga aha na hupatidahon tu ho, angke hara ni i do umbaen na dioban ho tuson. Paboa ma tu bangso Israel sude na giot patidahonon tu ho.”

AMOS 3:13

Didok Tuhan Debata, Debata Na Markuaso i ma, “Parrohahon ma saonnari jana paingot ma pomparan ni si Jakob.

JUNUS 3:2

Didok Ia ma, “Kehe ma ho tu Ninive, kota na godang i, jana palalu ma tu pangisi ni kota i tona na Hulehen tu ho.”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”