JEHESKIEL 2:4 - BIBEL JAMITA NA DENGGAN

⁴ Sijogal roha do halahi jana nada dipasangap halahi Au. Husuru ho tu halahi laho palaluhon sanga aha na Hudok tu halahi, Au do Tuhan Debata mandok,

JEHESKIEL 2:4 ပူးပေါင်းရင်းမြစ်များ

1 RAJA-RAJA 22:14

Tapi dialusi si Mika ma, “Mangasahon Tuhan na mangolu i, hujanjihon ma, sanga aha na nidok ni Tuhan tu au, laing i do na giot palaluonku.”

2 JUJUR TAON 30:8

Ulang pajogal roha hamu songon halahi i, tapi burju hamu mangoloi Tuhan. Ro ma hamu tu Jerusalem, tu Bagas Ni Debata na nihapunjungkon ni Tuhan Debatamunu diSia sandiri salolot-lolotna. Beta ma hita maribadat tuSia anso laing mombun ma da murukNia maradopkon hamu.

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

MASMUR 95:8

“Ulang hamu tangkang songon ompumunu i, dompak di Meriba halahi, di parhorsihan Masa.

PODA 21:29

Nada diboto parjahat na maila, tapi muda halak partigor dipauba do pangalahona.

JESAYA 48:4

Huboto do ho sijogal roha, kapala batu, pir songon bosi.

JEREMIA 1:7

Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JEREMIA 36:21

Disuru raja i ma si Jehudi mangalap surat i. Dung dibuat ia sian bilik ni si Elisama, disise si Jehudi ma tu raja i dohot tu sude pajabat na marjongjongan humaliang raja i.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEREMIA 6:15

Angkon maila do nian halahi hara ni sude parbuatan ni halahi na jat i. Hape sihapal bohi do halahi jana na so umboto ila. Patunda ni i angkon gabe madabu do halahi songon halak na asing na dung madabu i; abis noma barita ni halahi muda jabat Au manguhum halahi. Au Tuhan, madung mandok songon i.”

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

JEHESKIEL 3:11

Kehe ma ho mandapotkon bangsomu na di habuangan i jana palalu ma sanga aha na Hudok tu halahi, Au Tuhan Debata do mandok, sanga na ra pe halahi manangihon sanga nada.”

JEHESKIEL 3:27

Sanoli on, muda manghobari Au mangulahi tu ho jana Hupasuang hamaloonmu manghobari, angkon palaluonmu do sanga aha na giot dokkononKu, Au Tuhan Debata giot mandok tu halahi. Tangihonon ni halahi do deba, tapi deba nari halahi nada manangihon, harana bia baenon bangso pangalo ma antong.”

JEHESKIEL 3:4

Didok Ia ma mangulahi, “Ale jolma parsantongkinan, kehe ma ho mandapotkon angka halak Israel jana palalu ma sude na Hutonahon tu halahi.

JEHESKIEL 3:7

Tapi anggo bangso Israel nada ra manangihon na nidokmu, salangkan Au so ditangihon halahi. Sijogal roha do halahi sude jana sai mangalo.

AMOS 7:15

Tapi dibuat Tuhan au sian karejongki jana disuru Ia au palaluhon tonaNia tu halak Israel.

ZAKARIA 7:12

Dipapir halahi do rohana lopus songon pir ni batu intan, anso ulang dibege halahi tona i dohot hata na nitongos ni Tuhan Na Markuaso marhite sian tondiNa, dohot marhite sian panurirang na jolo i. Hara ni i ma umbahen na ro rimas ni Tuhan.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

PANGARATAION 10:16

Jadi mamungka sian saonnari, sai marpangoloion ma hamu tu Tuhan jana ulang be marjogal ni roha hamu.

PANGARATAION 31:27

Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.