JEHESKIEL 2:1 - BIBEL JAMITA NA DENGGAN

¹ Marnida i, tinggang ma au manungkap tu tano. Dung i hubege ma sora na mandok, “Jongjong ma ho, ale jolma parsantongkinan anso mangkatai Au dohot ho.”

JEHESKIEL 2:1 ပူးပေါင်းရင်းမြစ်များ

MASMUR 8:4

ise ma he jolma i, pola diingot Ho ia, ise ma he i pola dipangolu Ho ia?

JEHESKIEL 1:28

jana marrupa-rupa songon halibutongan. I ma da hatiuran na marhillong na patuduhon haroro ni Tuhan.

JEHESKIEL 12:3

Hara ni i, ale anak ni jolma, taran torang dope ari, hobasi ma barang-barangmu di bagasan sada gendongan songon na somal dibaen halak pangungsi. Painte so dapot borngin, kehe ma ho di torang ni ari di jolo ni halak songon halak na dioban tu buangan. Baen ma lubang di dingding ni bagasmi jana oban ma gendonganmu na marisi angka barang-barangmu ruar sian lubang i. Porsan ma gendonganmi di abaramu, kehe ma ho tu golap-golap i; papitpit ma matami anso ulang diida ho dalan na nibolusmi. Padiar ma dipaida-ida bangso Israel sude na nibaenmi, anso gabe sipaingot di halahi. Betak na ra do halahi mamoto bahaso na jahat pangalo halahi.”

JEHESKIEL 13:2

“Ale anak ni jolma, gorahon ma angka panurirang ni Israel na mandok alatan sian tubu-tubu ni rohana sandiri. Tangihon ma hata ni Tuhan.”

JEHESKIEL 14:13

muda mardosa sada luat nada setia tu Au, na giot uhumanKu do negara i. RoncohononKu ma bohal simpanan ni halahi, Huparo haleon potir jana Hubunu jolmana bope pahan-pahananna.

JEHESKIEL 14:3

“Ale anak ni jolma, na dung dipasahat ni angka jolma on do ngoluna tu gana-ganaan gabe julung halahi tu bagasan dosa. Dia dope dalanna umbaen tu Au halahi marsapa?

JEHESKIEL 15:2

“Ale anak ni jolma, aha dehe halobian ni bona ni anggur sian bona ni hayu na asing na di harangan i, na mamparbatuhon parbatu na tudos tu anggur?

JEHESKIEL 16:2

“Ale jolma parsantongkinan, patuduhon ma tu Jerusalem angka parbuatan na jorbut na nipambaenan ni halahi i.”

JEHESKIEL 17:2

Ale anak ni jolma parsantongkinan, hatahon ma sada umpama tu Israel.

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

JEHESKIEL 2:8

“Ale jolma parsantongkinan, tangihon ma sanga aha na Hudok tu ho. Ulang dohot muse ho mangalo. Pangangang ma pamanganmi, jana pangan ma sanga aha na Hulehen di ho.”

JEHESKIEL 20:3

“Ale jolma parsantongkinan, manghobari ma ho dohot angka pamimpin i jana dok ma bahaso Au Tuhan Debata mandok songon on, ‘Na puluk ma hamu antong mangido panogu-noguon tu Au! Hara ni Au, Debata na mangolu, nada ra Au anggo hamu do mangido panogu-noguon sian Au! Au Tuhan Debata madung mandok songon i.’

JEHESKIEL 3:1

Didok Ia ma, “Ale jolma parsantongkinan, pangan ma balunan ni karotes i, kehe ma ho jana mangkuling ma ho tu angka halak Israel.”

JEHESKIEL 3:10

Didok Ia muse, “Ale jolma parsantongkinan, tangkas ma parrohahon jana ingot ma sudena na giot sidokkononKu tu ho.

JEHESKIEL 3:17

“Ale jolma parsantongkinan, Huangkat ma ho gabe panjago ni Israel. Palalu ma tu halahi sipaingot on.

JEHESKIEL 3:4

Didok Ia ma mangulahi, “Ale jolma parsantongkinan, kehe ma ho mandapotkon angka halak Israel jana palalu ma sude na Hutonahon tu halahi.

JEHESKIEL 37:3

Disapai Tuhan ma tu au, “Ale anak ni jolma, tarbaen dope angka holi-holi on mangolu mangulahi?” Hualusi ma, “Ale, Tuhan Debata, hum Ho do umbotosa.”

JEHESKIEL 4:1

Didok Debata ma, “Ale jolma parsantongkinan, buat ma sada batu bata, payakkon ma i di jolomu jana gurat ma di ginjangna i gambaran ni Jerusalem.

JEHESKIEL 40:4

Didok bayo i ma tu au, “Ale jolma parsantongkinan, tangkas tangihon dohot parrohahon sude sanga aha na hupatidahon tu ho, angke hara ni i do umbaen na dioban ho tuson. Paboa ma tu bangso Israel sude na giot patidahonon tu ho.”

JEHESKIEL 43:18

Didok Tuhan Debata i ma tu au, “Ale anak ni jolma, tangihon ma sanga aha na Hudok tu ho. Muda dung sidung langgatan i di pajongjong, angkon rasmihononmu do i marhite na manutung haul di ginjangna i jana pispiskon ma tusi mudar ni haul i.

JEHESKIEL 5:1

Didok Tuhan ma, “Ale jolma parsantongkinan, buat ma podang na tajom jana pake ma i laho mancukur sude janggut dohot obukmu. Dung i timbang ma obuk i di kiloan jana bagi tolu ma i.

JEHESKIEL 7:2

“Ale jolma parsantongkinan, Au Tuhan Debata giot mandok songon on tu tano Israel: On ma ujung ni sude carito ni luat on!”

DANIEL 10:11

Didok surusuruan i ma tu au, “Daniel, holong do roha ni Debata mida ho. Jongjong ma ho jana tangihon ma angka hatangkon tangkas. Na disuru do au tu ho.” Dung didok ia songon i jongjong ma au huhut humitir.

DANIEL 10:19

Didok ia ma, “Holong do roha ni Debata mida ho, hara ni i ulang pola mabiar ho.” Taran mandok songon i dope ia, mur martamba ma huhilala gogongku jana hudok ma, “Didok tuan i ma da hatana. Madung ditambai tuan i gogongku.”

DANIEL 8:17

Jadi ro ma ia tu inganan hajongjonganki, jana dompak ro ia tarsonggot ma au jana manungkap, dung i didok ia ma tu au, “Antusi ma, o anak ni jolma taringot tu ari parpudi do parnidaan on!”

MATEUS 17:7

Tapi ro ma Jesus manjama halahi, ning Ia ma, “Jongjong ma hamu, ulang hamu mabiar!”

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

BAENON NI ANGKA RASUL 26:16

Jongjong ma ho! Hupatidahon pe diringKu tu ho na giot mambaen ho do gabe pangoloi di Au. Angkon paboaonmu do sude na niidamu sadari on tu halak na asing, bope taringot tu sude na giot patidahononKu di ho sanoli on.

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”