JEHESKIEL 17:4 - BIBEL JAMITA NA DENGGAN

⁴ lalu dioban ia ma i jana dipayakkon ia di kota parboniagaan na ribur.

JEHESKIEL 17:4 ပူးပေါင်းရင်းမြစ်များ

2 RAJA-RAJA 24:12

jana disi ma Raja Joyakin, inangnia, angka dakdanaknia, angka perwirania dohot angka pagawenia menyerah tu si Nebukadnesar. Jadi ditaban ma si Joyakin. Di taon pasalapankon ma i masa dung mamarenta si Nebukadnesar.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JESAYA 47:15

Aha ma he jasa ni pangaramal i di ho, na dung mangalehen sipaingot sian najolo? Markehean be do manadingkon ho; nada adong na ro mangurupi ho.”

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JEREMIA 51:13

Na kayo do luat i jana bahat batang aekna, tapi madung abis hatiha ni ngoluna; madung dapot ujung ni ngoluna.

JEHESKIEL 17:3

Anso diboto halahi na hudok: Adong ma sada unggas rajawali na godang, na jeges imbuluna, jana habongna i ginjang boti gogo. Habang ma ia tu Dolok Libanon, jana ditipulkon ia ma sada pusuk ni sada sampinur,

JEHESKIEL 17:5

Dung i dibuat ia ma sada bona ni suan-suanan na poso sian tano Israel jana disuan ia ma i di tano na napu na so unjung hurang aekna.

JEHESKIEL 31:3

Songon sampinur Libanon do ho na jagar gok dangkana na rumbun boti na jeges. Bonana i tigor jana maningkos puncuna i jabat masuk ombun.

HALUMBAAN 18:3

Madung diinum sasude bangso anggur sian hagiotnia na rorang i. Mambaen harorangon do angka raja dohot ia jana gabe maradong be ma angka saudagar na satano on hara ni hagiotna na so tarordahon i.”