JEHESKIEL 17:3 - BIBEL JAMITA NA DENGGAN

³ Anso diboto halahi na hudok: Adong ma sada unggas rajawali na godang, na jeges imbuluna, jana habongna i ginjang boti gogo. Habang ma ia tu Dolok Libanon, jana ditipulkon ia ma sada pusuk ni sada sampinur,

JEHESKIEL 17:3 ပူးပေါင်းရင်းမြစ်များ

JEREMIA 24:1

Sanoli dung dioban si Nebukadnesar raja ni Babel i si Joyakin anak ni si Joyakim raja ni Juda rap dohot angka pamimpin ni Juda, angka tukang na malo dohot angka parkarejo na pande jana dioban gabe taban sian Jerusalem tu Babel, dilehen Tuhan ma tu au sada parnidaan. Huida ma dua karanjang na marisi batu ni ara payak di jolo ni Bagas Ni Debata.

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

JEREMIA 48:40

Didok Tuhan ma, “Songon halihi na habang, tudos tusi ma sada bangso giot ro manyoro Moab.

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

ANDUNG 4:19

Humipas do na mangayak hami sian unggas rajawali; di dolok dohot di halongonan dikojar jana diolat halahi do hami.

JEHESKIEL 17:4

lalu dioban ia ma i jana dipayakkon ia di kota parboniagaan na ribur.

JEHESKIEL 17:7

Dung i adong muse ma rajawali na asing; ginjang habongna jana hapal imbuluna. Dung i, dipaadop bona ni anggur i ma angka uratna i dohot angka dangkana i tu unggas rajawali na baru ro i mardongan arop ni roha anso ra nian unggas i mangalehen tusia aek na umbahat sian na adong di ladang i.

JEHESKIEL 31:3

Songon sampinur Libanon do ho na jagar gok dangkana na rumbun boti na jeges. Bonana i tigor jana maningkos puncuna i jabat masuk ombun.

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

DANIEL 4:22

O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.

DANIEL 7:4

Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.

HOSEA 8:1

Didok Tuhan ma, “Palu ma sarune, paboa na ro parmaraan! Tudos tu halihi na manangkup soroanna do musu ro mamorangi tanongKi! Dilaosi bangsongKi do parjanjianKu dohot halahi jana dialo angka pangajaranKu.

HABAKUK 1:8

Humipas do kudo ni halahi sian babiat jana gumanas do sian sorigala na malean borngin-borngin. Marroan do angka paranganna na markudo sian angka luat na dao; marroan halahi songon halihi na manyoro soroanna.

MATEUS 24:28

“Sanga di dia adong bangke, marrongom do disi angka unggas sipangan bangke.”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

PANGARATAION 28:49

Paroon ni Tuhan ma sada bangso na so mangarti ho hatana, sian ujung ni tano on laho mangalo ho. Songon rajawali do halahi manyoro ho.