JEHESKIEL 16:3 - BIBEL JAMITA NA DENGGAN

³ Disuru Tuhan Debata i ma au palaluhon tona on tu Jerusalem: “Ale Jerusalem, di tano Kanaan do ho sorang. Halak Amori do amangmu jana inangmu boru Het.

JEHESKIEL 16:3 ပူးပေါင်းရင်းမြစ်များ

PAMUNGKAAN 11:25

Dung i tamba dope umur ni si Nahor 119 taon nari jana adong dope angka dakdanaknia na asing.

PAMUNGKAAN 11:29

Dialap si Abram ma si Sarai gabe dongan saripena, jana si Nahor mambuat si Milka boru ni si Haran. Adong dope angka dakdanak ni si Haran na asing na margoar si Jiska.

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

1 RAJA-RAJA 21:26

Dipambaeni si Ahab do angka dosa na paila-ilahon; disomba ia do gana-ganaan songon pambaen ni halak Amori, i ma angka jolma na niusir ni Tuhan morot sian tano Kanaan di parmasuk ni halak Israel tu luat i.

2 RAJA-RAJA 21:11

“Na jorbut do jahat ni Raja Manase, dao dope jumorbut pangalahonia ulang pado pangalaho ni halak Kanaan; jana marhite angka gana-ganaannia na nipaturenia, patunda ni i ma gabe mardosa halak Juda.

ESRA 9:1

Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

NEHEMIA 9:7

Ho do Debata, Tuhan Na Sun Sasada. Dipili Ho do si Abram sian tonga-tonga ni bangsona. Ur di Babel madung tading dibaen ia, dibaen Ho sandiri do na mamimpinsa. Lalu dilehen Ho goar na imbaru disia: Mamungka sian i si Abraham noma dokkonon goarNia.

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

JESAYA 43:27

Ompumu na parjolo i pe madung mardosa, angka raja parhatamunu pe madung mangalaosi.

JEHESKIEL 16:2

“Ale jolma parsantongkinan, patuduhon ma tu Jerusalem angka parbuatan na jorbut na nipambaenan ni halahi i.”

JEHESKIEL 16:4

Hatiha parsorangmu, nada adong halak na mamonggol tali ni pusotmu, sanga mandidi ho, sanga mandaiskon sira tu ho, sanga mangulosi ho dohot abit.

JEHESKIEL 16:45

Tutu ma boru ni inangna ho. Goyak do rohania di halaklahinia dohot tu angka dakdanakna sandiri. Suman do ho tu angka parebanmu na margoyak ni roha mida halaklahina muse dohot angka dakdanakna sandiri. Ho sandiri dohot angka parebanmi, i ma angka kota na humaliang ho na marinahon boru Het jana maramahon halak Amori.

JEHESKIEL 21:30

O hamu halak Amon, pasarung hamu ma mangulahi podangmunu i! Giot uhumanKu hamu di inganan disi hamu ditompa dohot ditubuhon.

MATEUS 11:24

Tapi Hudok ma tu hamu, ‘Numayang do uhuman na tu tano Sodom di ari panguhuman i, ulang pado tu ho!’ ”

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

LUKAS 3:7

Bahat do halak marroan mandapotkon si Johannes anso dididi. Didok si Johannes ma tu halahi, “Hamu angka pomparan ni ulok! Ise ma he na mandok tu hamu laho palua diri sian hamumuruk ni Debata na giot ro i?

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

PANGARATAION 20:17

Angkon abiskononmunu do sude bangso i: Halak Het, Amori, Kanaan, Peris, Hewi dohot Jebus, songon na dung diparentahon Tuhan i tu hamu.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 13:4

Angkon laing sirampason dope: Sude tano Kanaan dohot Meara (tano ni halak Sidon), lopus tu Afek na di parbatasan ni tano ni bangso Amori;

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.