JEHESKIEL 12:3 - BIBEL JAMITA NA DENGGAN

^3-6 Hara ni i, ale anak ni jolma, taran torang dope ari, hobasi ma barang-barangmu di bagasan sada gendongan songon na somal dibaen halak pangungsi. Painte so dapot borngin, kehe ma ho di torang ni ari di jolo ni halak songon halak na dioban tu buangan. Baen ma lubang di dingding ni bagasmi jana oban ma gendonganmu na marisi angka barang-barangmu ruar sian lubang i. Porsan ma gendonganmi di abaramu, kehe ma ho tu golap-golap i; papitpit ma matami anso ulang diida ho dalan na nibolusmi. Padiar ma dipaida-ida bangso Israel sude na nibaenmi, anso gabe sipaingot di halahi. Betak na ra do halahi mamoto bahaso na jahat pangalo halahi.”

JEHESKIEL 12:3 ပူးပေါင်းရင်းမြစ်များ

MASMUR 81:13

Iale tehe, sugari sura ra bangsongKi manangihon hatangKu, sugari ra halahi mangoloi Au,

JEREMIA 10:17

Hona hobuk do hamu halak na maringanan di Jerusalem! Antong marhobas ma hamu!

JEREMIA 26:3

Betak na ra do bangso i manangihon, gabe mantak mambaen na jahat gabe Husundati rohangKu laho mangago halahi hombar tu pambaenan ni halahi na jahat i.”

JEREMIA 27:2

mambaen tali-tali dohot auga sian hayu, lalu hupasang di tangkuhukku.

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 36:7

Betak na gabe martangiang do halahi tu Tuhan baenon ni i jana muba halahi sian angka parbuatan ni halahi na jahat i. Sun do muruk ni Tuhan tu halahi jana mangondam do tu halahi.”

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JEHESKIEL 12:7

Dung i hupatulus ma na niparentahon ni Tuhan i tu au. Laing di na sadari i, arian dope, huhobasi ma angka barang-barangku tu sada gendongan, songon na somal dibaen halak pangungsi. Dung mamungka samon ari, hubaen ma lubang dohot tanganku di tembok ni bagaski, lalu haruar ma au sian lubang i. Laing diparrohahon jolma i sude, huporsan ma gendongan i di abarangku, lalu kehe ma au.

JEHESKIEL 3:26

BaenonKu ma jogal dilamu anso ulang tarbaen ho paingotkon bangso pangalo on.

JEHESKIEL 3:27

Sanoli on, muda manghobari Au mangulahi tu ho jana Hupasuang hamaloonmu manghobari, angkon palaluonmu do sanga aha na giot dokkononKu, Au Tuhan Debata giot mandok tu halahi. Tangihonon ni halahi do deba, tapi deba nari halahi nada manangihon, harana bia baenon bangso pangalo ma antong.”

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

JEHESKIEL 43:11

Jana dung maila halahi hara ni angka parbuatan ni halahi i, patorang ma gambaran ni BagasKon tu halahi: potonganna, angka pintuna laho masuk dohot ruar, parsusun ni bangunanna, sandok aturanna dohot uhum-uhumna. Suratkon ma i sudena di halahi anso diida jana tarparrohahon halahi sanga bia pangaturna sude, bope mangoloi sandok angka aturanna.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

LUKAS 20:13

Ujungna didok nampuna kobun i ma, ‘Bia noma ulaning baenonku tusi? Anak haholongan ni rohangki noma da husuru tusi. Tontu anggo i pasangapon ni halahi ma!’

PANGARATAION 32:29

Nada diastuisa biasi talu halahi; nada mamoto sude na masa i.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.