JEHESKIEL 12:2 - BIBEL JAMITA NA DENGGAN

² “Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

JEHESKIEL 12:2 ပူးပေါင်းရင်းမြစ်များ

MARKUS 4:12

Dibaen Debata pe songon i, anso ‘Torus do bolnang halahi mangaligi, tapi umpe diidasa, torus do halahi manangihon, tapi umpe mangarti, angke sugari diida jana diastui halahi gabe ro ma halahi tu Debata dung i gabe ampunan ni Debata ma halahi.’ ”

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

MASMUR 78:40

Jotjotna i antong halahi mangalo tuSia, pahancit rohaNia di padang halongonan.

EPESUS 4:18

Madung manggolap pikiran ni halahi. Umpe ditanda halahi be hangoluan na nilehen ni Debata, angke nada adong be parbinotoan di halahi sanga aha taringot tu Debata. Halak si jogal roha do halahi umbaen na songon i.

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

2 KORINTUS 3:14

Madung digupgupi roha ni halahi. Jana lopus tu sadari on pe laing targupgup dope roha ni halahi dibaen panggupgupina i muda disise halahi angka buku taringot tu parjanjian na honok. Angkon marhasadaon dohot Kristus do, anso tarungkap halak panggupgupi i.

JOHANNES 12:40

“Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”

JEREMIA 5:23

Tapi anggo hamu jogal do rohamunu jana sai mangalo; madung manyimbil hamu jana ditadingkon hamu Au.

JESAYA 65:2

Tongtong do Au hobas laho manjaluangi bangsongKi haru pe mardongan jogal ni rohana mambaen na jahat halahi jana manondong dalan lomo ni rohana sandiri.

JESAYA 30:9

Hara ni na sai mangalo halahi tu Debata, sai margabus, jana nada jungada ra manangihon pangajaran ni Tuhan.

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

LUKAS 8:10

Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

JEHESKIEL 44:6

Dokkon ma tu halak Israel na sai tagi-tagi mangalo i bahaso Au Tuhan Debata, nada ra be Au padiarkon halahi mambaen hodar.

JEHESKIEL 24:3

Dokkon ma sada umpama tu halak pambarontak jana dokkon ma tu halahi: Songon on do hata ni Tuhan Debata, ‘Payakkon ma huali di ginjang ni api, payakkon ma, jana baen ma muse aek tu bagasan.

JEHESKIEL 17:12

“Sapai ma tu angka pangalo i sanga na diastui halahi do umpama i. Palalu tu halahi bahaso na dung ro raja ni Babel tu Jerusalem, jana dioban ia raja ni Juda maradu angka halak na godang sian kota i tu Babel baen donganna.

JEHESKIEL 3:9

BahenonKu ma ho pir songon togu ni batu mamak dohot songon batu intan, anso ulang mabiar ho mida angka hajogalon ni roha ni halahi.”

PANGARATAION 31:27

Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

PANGARATAION 9:24

Sian dung hutanda hamu, sai matua na mangalo do hamu tu Tuhan.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

JEREMIA 4:17

jana hobuhon ni halahi ma Jerusalem songon halak na manjago ladang. Patunda ni na mangalo ma Juda maradopkon Tuhan umbaen na tarjadi sudena i. Madung didok Tuhan songon i.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JESAYA 43:8

“Pio hamu ma bangsongKi laho marparkaro; haru marmata halahi, mapitung do, jana haru pe marpinggol tapi maingol do.

JEHESKIEL 12:1

Mangkuling ma Tuhan tu au mangulahi, ning Ia ma,

JEHESKIEL 12:25

Au Tuhan Debata, Au sandiri noma manghobari tu bangso Israel jana sude na Hudokkon musti angkon tarjadi, nada pola marlambat-lambat be. Tangihon hamu ma, ale angka pangalo! Taran di ngolumunu on dope, dalankononKu ma sandok na dung Hupaboa hian tu hamu. Au Tuhan Debata madung mandok songon i.”

PANGARATAION 29:3

Madung diida hamu muse angka parmaraan na jorbut, angka tanda hahomangan dohot na so tarastui roha na nibaen ni Tuhan.

2 RAJA-RAJA 17:14

Hape nada ditangihon Israel dohot Juda; na tangkang do halahi laing songon ompu ni halahi i na so porsaya tu Tuhan, Debata ni halahi.

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

JESAYA 44:18

Na santak do oto ni angka jolma na songon i. Na nitutup ni halahi do mata dohot roha ni halahi gabe nada diastui halahi sanga na aha.

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”