JEHESKIEL 11:9 - BIBEL JAMITA NA DENGGAN

⁹ ObanonKu noma hamu ruar sian kota i jana Hupasahat tu halak na leban. Madung Huputuskon uhuman mate tu hamu.

JEHESKIEL 11:9 ပူးပေါင်းရင်းမြစ်များ

2 RAJA-RAJA 24:4

lumobi ma i hara ni pamunuon na nibaennia maradopkon angka halak na so marsala, inda ra Tuhan manyesa dosa ni Manase hara ni angka pambaenanna.

ESRA 9:7

Mamungka sian zaman ni angka ompunami lopus saonnari, sai mardosa do hami bangsoMon tu Ho. Patunda ni i ma umbaen na talu hami, angka rajanami dohot angka malimnami dibaen angka raja na asing i. Hona bunu hami, disamun dohot dihaldung gabe taban. Madung dipalayas hami marabis-abis, songon pangalaho na masa di ari sadari on.

MASMUR 106:30

Tapi jongjong ma si Pinehas manguhumi parsala, gabe mantak ma antong disi bala.

MASMUR 106:41

Jadi gabe dipasahat Ho ma halahi tu angka bangso, dipadiar Ho noma halahi dirajai alo.

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

JEREMIA 29:20

Jana hamu sude na Hubuang tu Babel, tangihon hamu ma na Hudok, Au Tuhan na mandok.’

JEREMIA 39:6

Laing di kota i di jolo ni matania sandiri dibunu ma angka dakdanaknia, dohot sude na sangap ni Juda dibunu muse ma.

JEHESKIEL 11:7

Hara ni i, Au Tuhan Debata, mandok tu hamu: Tutu ma da i, hudon do antong kota on, tapi anggo juhutna di bagasan nada hamu, tapi bangke ni angka jolma na nibunumunu do! Anggo hamu usironKu do sian kota on!

JEHESKIEL 16:38

UhumanKu do ho hara ni parhamainan dohot pamunuon na nibaenmi. Mate ma ho uhumanKu di bagasan muruk dohot rimasKu.

JEHESKIEL 16:41

Surbuan ni halahi ma angka bagasmu jana suruonna angka dadaboru manyaksihon paruhumanmu. Songon i ma baenonKu mangantak parhamainonmi. Nada be ho marbagi-bagi silua tu angka haholongan ni rohamu.

JEHESKIEL 21:31

PalaluonKu ma tu ginjangmunu muruk ni rohangKu na gara-gara i. Jana pasahatonKu ma hamu tu angka jolma na jingar na dung somal mamatehon.

JEHESKIEL 30:19

Songon i ma baenonKu manguhumi Mesir, jadi gabe botoon ni halahi ma Au do Tuhan.”

JEHESKIEL 5:10

Panganon ni ama-ama ma dakdanakna sandiri jana dakdanak mangankon simatobangna. Songon i ma uhumanKu halahi, jana na tinggal i paserahonKu sun tu dia.

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

JEHESKIEL 5:8

Jadi, Au Tuhan Debata mandok, bahaso musumu do Au. UhumanKu ma ho di adopan ni angka bangso.

JOHANNES 5:27

Madung dilehen Ia kuaso tu AnakNia laho manontuhon uhuman, harana Anak Ni Jolma i do Ia.

SURAT NI SI PAULUS TU PARLAGUTAN ROM 13:4

Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.

PANGARATAION 28:36

Muda nada dioloi ho Tuhan Debatamunu, obanon ni Tuhan ma ho dohot rajamunu tu tano sileban, luat na so unjung diingani ho bope ompumunu. Mangoloi tu angka debata na nibaen sian hayu dohot batu ma ho disi.

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”