JEHESKIEL 11:3 - BIBEL JAMITA NA DENGGAN

³ Na mandok: Nada he santongkin dope dung tabangun angka bagasta on muse? Kota on do hudon jana hita juhutna.

JEHESKIEL 11:3 ပူးပေါင်းရင်းမြစ်များ

2 RAJA-RAJA 4:38

Dung i mulak ma si Elisa tu Gilgal di hatiha masa haleon di luat i. Jana di sada hatiha juguk ma angka panurirang di jolonia, mangkuling ma ia tu naposona, “Baen ma huali na gumodang i di ginjang ni api jana lompa ma panganon di angka panurirang i.”

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JEHESKIEL 12:22

“Ale anak ni jolma, biasi sai tagi dihilala halak Israel mandok umpama on: ‘Margonti ari, hape angka alatan nada unjung tarjadi?’

JEHESKIEL 12:27

“Ale anak ni jolma, pandok ni angka halak Israel, anggo parnidaan dohot alatanmi, honok sajo dope i baru anso tarjadi.

JEHESKIEL 7:7

Madung marujung sasudena di ho, ale bangso na maringanan di luat on. Saonnari nada adong be angka hariburon di langgatan na di dolok; hum hagaoron noma na adong.

AMOS 6:5

Giotmunu ma nian mangkarang-karang ende, songon na nibaen ni si Daud, jana diendehon hamu ma ende i dohot hasapi.

MIKA 3:3

Dipolgak hamu do bangsongKi. Disibak-sibak hamu bobakna i jana ditapor hamu holi-holina i. Diponggol-ponggol hamu halahi songon na mananggoi juhut laho pamasukkon tu bagasan huali.

2 PETRUS 3:4

dokkonon ni halahi ma songon on, “Di dia do janji taringot tu haroroNia i? Madung pola marmatean angka ompunta, hape laing songon-songon i sajo do sandok na adong mamungka sian mula ni tano on!”