JEHESKIEL 10:4 - BIBEL JAMITA NA DENGGAN

⁴ Dung i manaek ma hamuliaon ni Tuhan sian gincat ni kerub i jana kehe tu gincat ni pintu Bagas Na Badia, gabe gok ombun ma Bagas Na Badia i, jana alamanna pe sun disondangi hamuliaon ni Tuhan.

JEHESKIEL 10:4 ပူးပေါင်းရင်းမြစ်များ

HARURUAR 40:34

Dung i mijur ma ombun manutupi Bandar Na Badia i jana digohi sinondang na marnyala sian haroro ni Tuhan ma Bandar Parmianan.

HARURUAR 40:35

Jadi gabe nada hamasuhan si Musa be tu bagasan Bandar Parmianan.

JESAYA 6:1

Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.

JEHESKIEL 1:28

jana marrupa-rupa songon halibutongan. I ma da hatiuran na marhillong na patuduhon haroro ni Tuhan.

JEHESKIEL 10:18

Dung i kehe ma hamuliaon ni Tuhan sian ginjang ni pintu ni Bagas Na Badia i jana songgop di ginjang ni kerub i.

JEHESKIEL 43:2

jana huida ma disi ro sian sabola Habincaran sinondang na marsilo-silo na patandahon haroro ni Debata ni Israel. Tarbege ma sora ni Debata songon laut na gumadobur, jana marlinang-linang ma tano on hara ni sinondang ni haroro ni Debata.

JEHESKIEL 43:5

Diangkat Tondi Ni Tuhan i ma au jana dioban tu alaman parbagasan i; huida ma disi Bagas Na Badia digohi sinondang ni haroro ni Tuhan i.

JEHESKIEL 44:4

Dung i dioban bayo i ma au tu horbangan Utara na paadop-adop dohot Bagas Na Badia i. Hupamanat ma, jana huida ma Bagas Na Badia i digohi sinondang na marlinang-linang na patandahon haroro ni Tuhan. Dung i manungkap ma au jana marsomba,

JEHESKIEL 9:3

Dung i mamincar ma sinondang na silo sian angka kerub na marhabong na patandahon haroro ni Debata ni Israel, lalu pinda ma i sian ingananna humani tu pintu masuk laho tu Bagas Na Badia i. Dung i dipio Tuhan ma halak na marpakean linen i.

HAGAI 2:9

Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.

BILANGAN 16:19

Dung i dipalagut si Korah ma sude na bahat i, dung i jongjong ma halahi paadop-adop dohot si Musa dohot si Harun di pintu ni Bandar Parmianan Ni Tuhan. Tompu ma tarida di sude na bahat i sinondang haroro ni Tuhan Debata manyirlak-nyirlak mambaen silo.

HALUMBAAN 15:8

Jadi gok ma antong Bagas Na Badia i dohot timus sian hasangapan dohot sian hara ni kuasoNia. Jana salolot so sidung dope mara na pitu i dibaen surusuruan na pitu i, sahalak pe nada dipatola masuk tu bagasan Bagas Na Badia i.