JEHESKIEL 1:4 - BIBEL JAMITA NA DENGGAN

⁴ Hupadorgak ma jana huida halingsungsung na mangombus sian Utara. Ruar ma hilap na sumiksak sian sangkimpal ombun nalobi godang, jana gabe torang sajo ma langit na humaliang i dibaensa. Di bagasan hilap na mamincar-mincar i tarida ma na marsinondang songon tumbaga.

JEHESKIEL 1:4 ပူးပေါင်းရင်းမြစ်များ

1 RAJA-RAJA 19:11

“Ruar ma ho sian liang i,” ninna Tuhan tusia, “Jana jongjong ma ho adop Au di ginjang ni dolok i.” Jadi mamolus ma Tuhan sian i mardongan alogo na gogo situtu jabat mangkabola angka tor i jana mangkatapor angka dolok batu i, tapi nada dipataridahon Tuhan diriNa di bagasan alogo i. Dung so alogo i, ro ma lalo, tapi nada dipataridahon Tuhan diriNa di bagasan lalo i.

2 RAJA-RAJA 2:11

Laing mangkobar-kobari do halahi di na mardalan i. Jadi ompot ma ro sada kareta na marapi na nitarik ni kudo na marapi mayirang halahi na dua, jadi diangkat halingsungsung ma si Elia tu banua ginjang.

JOB 38:1

Dung salpu i mangkuling ma Tuhan sian halingsungsung tu si Job, songon on:

MASMUR 50:3

Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

HARURUAR 9:24

ambolas marsitutu mardongan hilap na sumiksak. On dope bade na gumogo di sejarah ni Mesir.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 21:1

Songon on ma alatan taringot tu Babel: Songon halingsungsung na mardonging na mamolus di parhorsihan, songon i ma haroro ni parmaraan sian luat sihabiaran.

JEREMIA 23:19

Ligima, alogo na gogo ni Tuhan, i ma haririmas ni muruk, na mangalapat jana na mijur tu ulu ni halak parjahat.

JEREMIA 25:32

Didok Tuhan Na Markuaso i ma, “Sian angka ujung ni tano on marngius-ngius alogo na gogo; pasada-sada hona bencana angka bangso.”

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

JEREMIA 4:6

Patuduhon ma dalan tu Sion, dolok ni Tuhan, ompoti hamu ma mangungsi, ulang ma marsidalian. Sian Utara diparo Tuhan hamamago dohot hasegoan.

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JEHESKIEL 1:27

Marsinondang do idaon songon tumbaga na di bagasan api na gara-gara. Marnyanga-nyanga sinondangna i,

JEHESKIEL 13:11

Ale angka panurirang pargabus, matorgan do tembokmunu i. ParoonKu ma udan potir. Tondongan ni halingsungsung ma tembok i jana tinggangan ni ambolas

JEHESKIEL 13:13

Didok Tuhan Debata i ma, “Di bagasan rimasKu, paroonKu ma halingsungsung, udan potir dohot ambolas laho mangaloha tembok i.

JEHESKIEL 43:3

Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.

JEHESKIEL 8:2

Hupadorgak ma jana huida ma sada tarsongon rupa ni jolma. Sian gontingna i lalu tu toru songon api do idaon jana sian gontingna i tu ginjang marlinang-linang do songon linang ni sere.

ZAKARIA 6:6

Kehe ma kareta porang na nitarik ni kudo na lomlom i sabola tu Utara adop Babel. Kudo na bontar i kehe adop Hasundutan jana kudo sibolang i kehe adop Selatan.”

IBRANI 12:29

Angke songon api na mangabiskon do tutu anggo Debatanta i.

HALUMBAAN 1:15

patNa i songon gurasa ni tumbaga na nitutung. SoraNa songon sora ni sampuran na godang.