JEHESKIEL 1:3 - BIBEL JAMITA NA DENGGAN

³ ro ma Tuhan mandok tu Malim Jeheskiel, anak ni si Busi di tano ni halak Kasdim di topi ni Batang aek Kebar, jana digohi kuaso ni Tuhan ma ia.

JEHESKIEL 1:3 ပူးပေါင်းရင်းမြစ်များ

1 RAJA-RAJA 18:46

Mandapot gogo ma si Elia di ombas i sian Tuhan. Dilompit ia ma baju jubania i tu ginjang jana ditambat ia ma tu gontingnia, jadi dilojong ia ma manjoloi si Ahab sapanjang dalan i lopus lalu tu horbangan ni Jesreel.

2 RAJA-RAJA 3:15

Saonnari oban ma tuson sahalak parhasapi.” Jadi hatiha marhasapi bayo i, digohi Tondi Ni Tuhan ma si Elisa

MASMUR 137:1

Di topi ni angka batang aek di Babel, disi do hita juguk huhut tangis muda hita ingot Sion.

JEREMIA 1:2

Mangkuling ma Debata tu si Jeremia di taon patolu bolaskon dung mamarenta si Josia anak ni si Amon raja ni Juda.

JEREMIA 1:4

Didok Tuhan ma tu au,

JEREMIA 29:15

Mangihutkon pandokmunu, madung dilehen Tuhan tu hamu angka panurirang di Babel.

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

JEHESKIEL 10:15

Manaek ma angka kerub i tu gincat. I ma angka makhluk na huida na jolo di topi ni Batang aek Kebar.

JEHESKIEL 12:13

Tapi sampakkononKu ma jalangKu laho manangkup ia. Dung i obanonKu ma ia tu kota Babel jana disi noma marujung ngolunia, so jungada diida matania kota i.

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

JEHESKIEL 3:15

Jadi lalu ma au di inganan parpunguan ni angka halak buangan na di Tel-Abib na di topi ni Batang aek Kebar. Pitu ari honokna tinggal au disi; ngangang-ngangang noma au hara ni sude na baru hubege dohot na huida i.

JEHESKIEL 3:22

Songon i ma gogona huhilala haroro ni Tuhan jana hubege ma didok Ia tu au, “Jongjong ma ho jana kehe ma tu rura. Disi ma mangkobari Au dohot ho.”

JEHESKIEL 3:23

Jadi kehe ma au tu rura, jana huida ma disi sinondang na marsilo na patuduhon haroro ni Tuhan songon na huida di topi ni Batang aek Kebar. Dung i tungkap ma au tu tano,

JEHESKIEL 33:22

Di borngin parpudi painte so haroronia i, madung songgop tu au tangan ni Tuhan. Jadi di na ro bayo i tu au, madung tarbaen au manghobari jana nada ngungu be au.

JEHESKIEL 37:1

Taraso ma tu au hagogoon ni Tuhan, jana dioban tondiNia i ma au manuat tu sada rura na gok dohot holi-holi.

JEHESKIEL 40:1

Di tanggal sampulu bulan sada di taon padua pulu limahon hatiha habuangannami, opat bolas taon dung talu Jerusalem, digohi kuaso ni Tuhan ma au, lalu dioban ma au kehe.

JEHESKIEL 43:3

Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.

JEHESKIEL 8:1

Di tanggal lima bulan onom di taon paonomkon di hatiha habuangannami, ro ma angka pamimpin ni angka halak Juda na di habuangan i tu bagasku, juguk-juguk rap dohot au. Ompot ma ro kuaso ni Tuhan Debata i mangarajai au.

DANIEL 10:4

Di tanggal dua pulu opat bulan sada di bagasan taon i, jongjong do au topet di topi ni Batang aek Tigris na godang i.

HOSEA 1:1

On ma tona na nilehen ni Tuhan tu si Hosea anak ni si Beeri taran marudut-udut Juda diparenta angka raja, si Usia, si Jotam, si Ahas, dohot si Hiskia, jana Israel diparenta si Jerobeam anak ni si Joas.

JOEL 1:1

On ma tona ni Tuhan tu si Joel anak ni si Petuel.

1 TIMOTEUS 4:1

Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.