JEHESKIEL 1:1 - BIBEL JAMITA NA DENGGAN

¹ Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

JEHESKIEL 1:1 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 46:2

Mandok hata do Debata tusia di bagasan parnidaan di sada borngin jana pio-pio ma tusia, “Jakob, Jakob!” ninna. “Olo Tuhan,” ning ia mangalusi.

MASMUR 137:1

Di topi ni angka batang aek di Babel, disi do hita juguk huhut tangis muda hita ingot Sion.

HARURUAR 24:10

disi ma diida halahi Debata ni halak Israel i. Sidegean ni patNa i tarsongon lante na sian batu nilam, rata langit idaon.

JESAYA 1:1

Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JESAYA 6:1

Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.

JEREMIA 29:15

Mangihutkon pandokmunu, madung dilehen Tuhan tu hamu angka panurirang di Babel.

JEHESKIEL 1:3

ro ma Tuhan mandok tu Malim Jeheskiel, anak ni si Busi di tano ni halak Kasdim di topi ni Batang aek Kebar, jana digohi kuaso ni Tuhan ma ia.

JEHESKIEL 10:1

Dung i manatap ma au tu na songon langit na di ginjang ni ulu ni angka kerub i, jana huida sada tudos songon habangsa na sian batu intan nilam.

JEHESKIEL 10:15

Manaek ma angka kerub i tu gincat. I ma angka makhluk na huida na jolo di topi ni Batang aek Kebar.

JEHESKIEL 10:20

Taringot ma tu rohangku, i do kerub na huida na jolo na di toru ni Debata ni Israel, di topi ni Batang aek Kebar.

JEHESKIEL 10:22

Tompa ni halahi pe sarupa muse do dohot tompa ni kerub na huida di topi ni Batang aek Kebar. Tigor do halahi mardalan tu jolo.

JEHESKIEL 11:24

Di bagasan parnidaan i, diangkat Tondi Ni Debata ma au jana dipaulak tu angka jolma buangan na di Babel. Dung i mago ma parnidaan i.

JEHESKIEL 3:15

Jadi lalu ma au di inganan parpunguan ni angka halak buangan na di Tel-Abib na di topi ni Batang aek Kebar. Pitu ari honokna tinggal au disi; ngangang-ngangang noma au hara ni sude na baru hubege dohot na huida i.

JEHESKIEL 3:23

Jadi kehe ma au tu rura, jana huida ma disi sinondang na marsilo na patuduhon haroro ni Tuhan songon na huida di topi ni Batang aek Kebar. Dung i tungkap ma au tu tano,

JEHESKIEL 40:2

Di sada parnidaan, dioban Debata ma au tu Jerusalem jana dibaen ma au di dolok na gincat. Adong ma huida di jolongku saluhutan bangunan na tudos tu sada kota.

JEHESKIEL 43:3

Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

HOSEA 12:10

Tapi Au Tuhan, Debatamunu na maroban hamu haruar sian Mesir, baenonKu ma hamu mangulahi maringanan di angka bandar songon najolo di na Hudapotkon hamu di padang halongonan.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

BILANGAN 4:3

Lalu manyuratkon goar ni sude halaklahi sian na marumur tolu pulu dohot lima pulu taon, na tarbaen markarejo di Bandar Parmianan Ni Tuhan.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 3:16

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

MARKUS 1:10

Disi haruar Jesus sian batang aek i, diida Ia ma mungkap langit i. Dung i mijur ma Tondi Parbadia tuSia songon sada darapati.

LUKAS 3:21

Dung dipandidihon sudena halahi, dipandidihon muse ma Jesus. Jadi hatiha martangiang Ia, mungkap ma langit,

LUKAS 3:23

Di na baru mamungka karejoNia Jesus, marumur ma Ia tar tolu pulu taon. Anggo pandok ni halak, anak ni si Josep do ia, i ma anak ni si Eli,

JOHANNES 1:51

Dung i ninna Jesus ma tusia, “Tutu situtu do na Hudok on tu ho, idaonmu ma mungkap langit, jana manaek mijur ma angka surusuruan ni Debata tu Anak Ni Jolma i.”

BAENON NI ANGKA RASUL 10:11

Diida ia ma mungkap langit jana disurduhon ma tu toru tarsongon abit na bidang, na gantung di suhi-suhina na opat i.

BAENON NI ANGKA RASUL 10:3

Jadi di sada ari hira-hira pukul tolu arian, tangkas ma diida ia di bagasan sada parnidaan, ro sada surusuruan ni Debata mamiohon ia, “Ale Kornelius!”

BAENON NI ANGKA RASUL 7:56

“Ligi pe da, mungkap do huida langit i jana jongjong Anak Ni Jolma i di siamun ni Debata!”

2 KORINTUS 12:1

Angkon manggodang do au, haru pe sudena i nada marguna, tapi giot palaluonku do parnidaan dohot halumbaan na hujagit sian Tuhan.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”