JAKOBUS 5:9 - BIBEL JAMITA NA DENGGAN

⁹ Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.

JAKOBUS 5:9 ပူးပေါင်းရင်းမြစ်များ

PAMUNGKAAN 4:7

Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

MASMUR 59:15

Songon anjing na manghaisi sarop do halahi, jana marauang muda nada butong.

JEHESKIEL 7:12

Ro ne ma hatihana, ari na pe madung donok! Nada manutung bagi aha sipanobusi dohot sipanggadis, angke lingkupon ni uhum ni Debata noma sude jolma.

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

MATEUS 24:33

Laing songon i muse ma muda diida hamu tarjadi angka tanda-tanda i, gabe botoonmunu ma na dung donok sajo noma hatihana.

MARKUS 13:29

Songon i muse ma muda diida hamu angka pangalaho sinangkinan i tarjadi, gabe botoonmunu ma na dung dapot harorona.

MARKUS 6:19

Hara ni i ma umbaen na gabe hosom roha ni si Herodias mida si Johannes. Tapi inda tarbaen ia na di rohania i, angke sai disundati si Herodes.

1 KORINTUS 10:11

Masa pe sudena i, na gabe tiruan do i tu angka halak na asing. Jana nisuratkon do sudena i anso gabe parningotan di hita. Angke di hatiha parpudi noma hita mangolu.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 9:7

Angkon marguru tu na nionjar ni rohana be ma mangalehen. Ulang pola hara ni na alang-alangan sanga hara ni na tarpaksa, angke dihaholongi Debata do sanga ise na mangalehen sian jop ni roha.

GALATIA 5:14

Angke sude Tona i dipasada do di bagasan sada parenta na mandok, “Angkon haholonganmu do donganmu jolma songon pangkaholongimu di dirimu sandiri.”

GALATIA 5:26

Ulang ma hita manjalahi pamujion ni diri na so hasaya, mangalap-alapi bada dohot na marsiiburuan roha, na sada tu na asing.

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.

JAKOBUS 4:12

Hape nian, hum sada do na marhak mamarenta jolma dohot manguhumisa. I ma Debata na margogo paluahon dohot pangabiskon. Jadi, ise ma hamu lakna umbaen na jabat ra hamu pasala halak na asing, laing jolma na somal songon hamu.

JAKOBUS 5:10

Ligi hamu ma angka panurirang na mandok hata mangasahon goar ni Tuhan. Sobar do halahi jana tahan manaon parkancitan. Jadi, halahi ma baen hamu gabe tiruan.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.

1 PETRUS 4:5

Tapi angkon lehenon ni halahi do saulahon partanggung jawaban tu Debata na dung singkop laho manguhumi halak na mangolu dohot halak na dung mate.

1 PETRUS 4:9

Marsijagitan ma hamu na sada tu na asing di bagasna be, so pola humolos.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.