JAKOBUS 5:20 - BIBEL JAMITA NA DENGGAN

²⁰ boto hamu ma on: Sanga ise na manogu halak pardosa marbalik sian dalanna na sala i, na nipaluania do halakna i sian hamatean jana ditutupi ia ma bahat dosa.

JAKOBUS 5:20 ပူးပေါင်းရင်းမြစ်များ

MASMUR 32:1

Martua ma sanga ise na dung nisesa pangalaosina, jana na nitutupan dosana.

PODA 10:12

Goyak ni roha patubu partongkaran; holong ni roha mangampuni sudena hasalaan.

PODA 10:2

Sinadongan na dapot sian hageduhan nada mangalehen hauntungan; tapi hatigoran bisa do paluahon halak sian hamatean.

PODA 11:30

Halak na daulat tarjamin do ngoluna; jolma na bisuk martamba do parkarejona.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

PODA 17:9

Muda por rohamu dihalomohon dongan, angkon ampunanmu do hasalaanna. Mambuka-buka hasalaan hum na manggotap pardonganan.

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

SURAT NI SI PAULUS TU PARLAGUTAN ROM 11:14

Anggo ninna rohangku tarbaen au do mangiburu roha ni dongan sabangsongki, anso tarpalua nanggo apala deba nian sian halahi.

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.

1 KORINTUS 9:22

Muda di tonga-tonga ni angka na so togu dope pos ni rohana, hubaen do au tarsongon halak na so togu dope pos ni rohana anso dapot au halahi di Kristus. Hara ni i, anggo au gabe songon na marragam-ragam ma pangalahongku tu sudena halak, anso sian dalan na marragam i tarbaen au paluahon halahi deba.

1 TIMOTEUS 4:16

Jagohon ma dirimu jana jagohon muse ma dohot pangajaranmu. Burju ma ho patuluskon i sudena, angke muda songon i, dipalua ho do dirimu sandiri bope angka halak na manangihon ho.

PILEMON 1:19

Au sandiri na manyuratkon dison tu ho: “Au ma si Paulus manggararsa tu ho.” (Tontu nada pola porlu sunggulanku tu ho, paboa na marutang muse do ho tu au, i ma dirimu sandiri.)

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

JAKOBUS 5:15

Tangiang na nipasahat tu Tuhan mardongan pos ni roha, tarbaen do i pamalumkon halak na marnyae. Pamalumon ni Tuhan ma i jana sesaonNia ma angka dosa na nibaennia.

JAKOBUS 5:19

Hamu angka dongan! Muda adong barang ise na lilu sian hatigoran i, dung i adong barang ise na paulakkon rohania,

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

HALUMBAAN 20:6

Martua jana na badia do, na taruli di hangongot na parjolo i. Nada markuaso be hamatean na paduahon i tu halahi. Gabe angka malim ni Debata ma halahi dohot malim ni Kristus; jana mamarenta ma halahi rap dohot Ia saribu taon honokna.