JAKOBUS 5:19 - BIBEL JAMITA NA DENGGAN

¹⁹ Hamu angka dongan! Muda adong barang ise na lilu sian hatigoran i, dung i adong barang ise na paulakkon rohania,

JAKOBUS 5:19 ပူးပေါင်းရင်းမြစ်များ

MASMUR 119:118

Ditulak Ho do halak na manyimbil sian hatontuanMu, sayang boti do sangkap ni halahi na gok tipu.

MASMUR 119:21

Digorahon Ho do halak siginjang roha, diburai Ho do halak na manyimbil sian parentaMu.

PODA 19:27

O anakku, muda nada be ra ho marsiajar, lupa ma ho di na niparsiajaranmi.

JESAYA 3:12

Rajaan ni angka dakdanak ma bangsongKi jana parentaon ni dadaboru. Ale bangsongKu, pamimpinmunu i ma angka pangjago, jana dalan na dibolusmunu disego-sego halahi!

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

JEHESKIEL 34:4

Angka biri-biri na gale so jungada dipature hamu, na lilu dohot na mago nada dijalahi hamu anso dioban mangulahi. Mur jingar do pambaenmunu tu biri-birimunu i sudena.

MATEUS 18:15

“Muda mardosa kahanggimu tu ho, topotkon ma ia. Paboa tangkas salania i. Sip-sip ma langkahon tusia anso hum hamu na dua sajo. Muda ditangihon ia na nidokmi, madung dapot ho ia mangulahi.

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.

1 TIMOTEUS 6:21

Harana adong do halak na mandohoti mangajarkon na songon i hape madung manyimbil sian angka ajaran ni Kristen na nihaporsayaan ni halahi na salpu i. Sai dibasa-basahon Debata ma asi ni rohana i tu hamu.

2 TIMOTEUS 2:18

Madung manyimbil halahi sian pangajaran na sintong, jana gabe disego-sego halahi do haporsayaan ni deba halak. Pandok ni halahi anggo hangongot ni angka na mate i ma pola salpu i.

IBRANI 5:2

Laing gale do Malim Godang i di ragam-ragam ni pangalaho, tapi haru songon i pe laing tarbaen ia muse dope marlambok ni roha maradopkon angka halak na so umboto sanga aha jana na lilu pardalananna.

JAKOBUS 1:16

Ulang hamu tarpaoto-oto, ale angka dongan!

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 5:20

boto hamu ma on: Sanga ise na manogu halak pardosa marbalik sian dalanna na sala i, na nipaluania do halakna i sian hamatean jana ditutupi ia ma bahat dosa.

2 PETRUS 3:17

Tapi anggo hamu angka dongan na nihaholongan, madung diboto hamu taringot tusi. Hara ni i, jonggor ma hamu, anso ulang jabat tarela-ela hamu tu haliluon ni angka halak na so mananda parenta ni Debata, anso ulang madabu hamu sian ojahanmunu i.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.