JAKOBUS 5:17 - BIBEL JAMITA NA DENGGAN

¹⁷ Si Elia pe laing jolma humani do, sarupa dohot hita. Marsitutu do ia martangiang anso ulang ro udan, jana nada ro udan tolu satonga taon honokna.

JAKOBUS 5:17 ပူးပေါင်းရင်းမြစ်များ

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 18:1

Dung adong sadia honok, di taon patoluhon ari logo i, didok Tuhan ma tu si Elia, “Kehe ma ho mangadop tu Raja Ahab, paroonKu ma naron udan.”

LUKAS 4:25

Tapi ingot hamu ma: Di hatiha ni si Elia, di na so ro udan tolu satonga taon honokna, jabat masa haleon potir di luat i sude, bahat sajo do na mabalu di tonga-tonga ni halak Israel.

BAENON NI ANGKA RASUL 10:26

Tapi ditogu si Petrus ma ia jongjong, jana didok ma tusia, “Jongjong ma ho! Au pe laing jolma do.”

BAENON NI ANGKA RASUL 14:15

“Biasi baenonmunu songon i, hamu ale angka dongan? Laing jolma do hami songon hamu! Na giot manjamitahon Jamita Na Denggan i do hami dison tu hamu angka dongan, anso ditadingkon hamu sudena pangalaho na so marguna on boti anso ro hamu mandapotkon Debata na mangolu i, i ma sitompa langit dohot tano on dohot laut dohot sude na adong di bagasanna.

SURAT NI SI PAULUS TU PARLAGUTAN ROM 11:2

Nada! Nada diambungkon Debata bangso na nipiliNia i sian mulana. Diboto hamu do ale angka dongan na tarsurat di Buku Na Badia i taringot tu si Elia, di na niaduhonNia pangalaho ni halak Israel tu Debata. Didok si Elia,

HALUMBAAN 11:6

Markuaso do halahi manutup langit anso ulang ro udan salolot manyurirangi halahi. Laing markuaso do halahi di angka mual ni aek laho mambaen aekna i gabe mudar. Jana laing markuaso muse do halahi mangalibas tano on markite-hite angka ragam ni bala, sanga na andigan giot ni halahi.