JAKOBUS 5:15 - BIBEL JAMITA NA DENGGAN

¹⁵ Tangiang na nipasahat tu Tuhan mardongan pos ni roha, tarbaen do i pamalumkon halak na marnyae. Pamalumon ni Tuhan ma i jana sesaonNia ma angka dosa na nibaennia.

JAKOBUS 5:15 ပူးပေါင်းရင်းမြစ်များ

JESAYA 33:24

Sahalak pe nada adong na humolos di luatta hara ni nyae, jana sesaonNia ma sude dosanta.

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

JOHANNES 5:14

Dung i marsuo ma Jesus dohot bayo i di Bagas Ni Debata. Didok Jesus ma tusia, “Saonnari madung malum ho; ulang be datdati mardosa. Angke muda mambaen dosa dope ho, na jumatjat sian on dope taononmu saulahon.”

JOHANNES 6:39

Jana songon on ma hagiot ni na marsuru Au; anso ulang Huagohon sahalak pe sian sudena halak na nipasahatNia tu Au; tapi anso Hupangolu do halahi mangulahi dung di Ari Parpudi.

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.

2 KORINTUS 4:14

Pos do rohanami di Debata na pangoluhon Tuhan Jesus mangulahi, laing pangoluonNia muse do hami dohot Jesus, jana obanonNia hamu rap dohot hami tu joloNia.

JAKOBUS 1:6

Tapi angkon porsaya do sanga ise na mangido i; ulang ganggu rohana. Angke tarsongon ombak ni laut na nionjar tu siamun siambirang do anggo halak na ganggu roha.

JAKOBUS 5:13

Muda topet adong na susa sian hamu, martangiang ma ia. Muda adong na marjop ni roha, marende ma ia mamuji Debata.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

JAKOBUS 5:20

boto hamu ma on: Sanga ise na manogu halak pardosa marbalik sian dalanna na sala i, na nipaluania do halakna i sian hamatean jana ditutupi ia ma bahat dosa.