JAKOBUS 5:1 - BIBEL JAMITA NA DENGGAN

¹ Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!

JAKOBUS 5:1 ပူးပေါင်းရင်းမြစ်များ

MASMUR 17:14

Palua ma au dohot tanganMu, ale Tuhan, sian angka jolma portibi on, na dapotan bagian di pangoluon on, padiar ma dipabutong butuha ni halahi dohot na dung dipasingkopMu, gabe dohot ma angka dakdanak ni halahi butongan, jana angka na teba i dilehen tu angka dakdanak na menek.

PODA 11:28

Na mangasahon sinadongan, madabu songon bulung na marulam; halak na daulat makombang songon tunas na haloyokanna.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 15:3

Mamake abit goni ma halak di dalan-dalan i tanda ni habot ni roha; di tano lapang dohot di tarup ni bagas, mangandungi jana martangisan halak.

JEREMIA 4:8

Antong hara ni i, tangis jana mangandungi ma hamu, pake hamu ma abit goni tanda ni arsakmunu. Angke nada sumurut dope sian Juda muruk ni Tuhan na marnyala-nyala.

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

JEHESKIEL 19:2

Songon singa boru-boru do inangmu na gogo boti na jorbut. Dipagodang-godang ia angka anaknia di tonga-tonga ni angka singa na tongam.

JEHESKIEL 30:2

“Ale anak ni jolma, manyurirangi ma ho jana dokkon ma, “Songon on ma hata ni Tuhan Debata, mangandung ma ho: I ale! Madung ro arina.

JOEL 1:11

Angka partani gabe maila parkobun anggur pe tama tangis! Angke mangabis gandum dohot eme darat taru hais, jana parbatu sibuaton pe madung dangis.

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JOEL 1:5

Ngot ma, o angka parmabuk jana tangis ma hamu! Tangis ma hamu ale angka parminum anggur na baru, angke madung dirampas anggur i sian pamanganmunu!

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

JAKOBUS 1:11

Muda dung bincar mataniari di panyoro ni milasna i, gabe malos ma duhut i, marurus ma bungana i jana mago muse ma dohot hajegesonna i. Laing songon i ma halak na kayo; magopu ma ia di na mandalankon karejona i.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

JAKOBUS 4:13

Hamu angka dongan na mandok, “Sadari on sanga ancogot na giot kehe do hami tu kota adu i jana disi ma hami maringanan sataon honokna anso marjagal jana manjalahi hepeng disi,

JAKOBUS 4:9

Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!