JAKOBUS 4:7 - BIBEL JAMITA NA DENGGAN

⁷ Antong, oloi hamu ma Debata jana alo hamu ma Sibolis i, anggo i marlojongi ma Sibolis i sian hamu.

JAKOBUS 4:7 ပူးပေါင်းရင်းမြစ်များ

2 SAMUEL 15:26

Tapi anggo na so lomo be antong roha ni Tuhan i tu au, marguru di hagiotNia ma di au.”

2 JUJUR TAON 30:8

Ulang pajogal roha hamu songon halahi i, tapi burju hamu mangoloi Tuhan. Ro ma hamu tu Jerusalem, tu Bagas Ni Debata na nihapunjungkon ni Tuhan Debatamunu diSia sandiri salolot-lolotna. Beta ma hita maribadat tuSia anso laing mombun ma da murukNia maradopkon hamu.

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 68:30

Songgakkon ma, binatang panyoro di arung-arung, gorahon ma angka bangso na gogo dohot panguasa ni angka bangso. Taluhon ma halahi na mangkojar sinadongan; sarsarkon ma angka bangso na manghagioti parporangan.

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

BAENON NI ANGKA RASUL 26:19

“Jadi rajanami, Raja Agrippa, huhaburjuhon do tongtong laho mangoloi parnidaan na hujagit i sian Debata.

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”

SURAT NI SI PAULUS TU PARLAGUTAN ROM 10:3

Dibaen hara ni na so ditanda halahi do hatigoran ni Debata jana hara ni na nipajongjong halahi hatigoran di dirina sandiri, jadi nada unduk halahi di hatigoran ni Debata.

SURAT NI SI PAULUS TU PARLAGUTAN ROM 14:11

Angke tarsurat do, “Na mangolu do Au,” ninna Tuhan i, “jadi sude halak angkon marsinggang di jolongKu; jana okuon ni ganop halak ma, Au do Debata.”

EPESUS 4:27

Ulang lehen hamu hatiha di Sibolis i.

EPESUS 5:21

Dung i marsiolo-oloan ma hamu di bagasan biar ni roha mida Debata.

EPESUS 6:13

Hara ni i, saonnari pake hamu ma sasudena sinjata na sian Debata anso muda dapot hatihana ro na jahat i, margogo ma hamu mangalo angka serangan ni musu i. Jana anso lopus tu ujungna dung sidung parjuangan i, laing horas torkis hamu.

IBRANI 12:9

Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.

1 PETRUS 2:13

Hara ni Tuhan, oloi hamu ma sudena pamarenta na adong di portibi on; sanga pe tu Kesar na gabe sitiop kuaso na guminjang;

1 PETRUS 5:6

Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.

1 SAMUEL 3:18

Jadi dicaritohon si Samuel ma sudena tu si Eli. Sada pe nada adong na nirahasiahonnia. Dung i didok si Eli ma, “Tuhan do Ia, padiar ma dipatulus Ia sanga na aha giot ni rohaNia.”