JAKOBUS 4:3 - BIBEL JAMITA NA DENGGAN

³ Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

JAKOBUS 4:3 ပူးပေါင်းရင်းမြစ်များ

1 RAJA-RAJA 3:11

gabe didok ma tusia, “Dibaen habisuhon do dipangido ho laho mamarenta di bagasan hatigoran, nada umur na ginjang sanga hamoraonmu sanga pe hamamate ni angka musumu,

JOB 35:12

Pio-pio ma angka na tarpisat i, hape mangkohom Debata, patunda ni jahat ni halahi dohot gok ni ginjang ni rohana.

MASMUR 18:41

Marsurak halahi, hape so adong na mangurupi, pio-pio halahi tu Tuhan, nada ra Ia mangalusi.

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

JEREMIA 11:11

Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JEREMIA 14:12

Haru pe puaso halahi, nangkon na ra Au manerge pio-pio ni halahi mangido tolong; jana haru pe dihaulkon halahi tu Au haul situtungon dohot haul gandum, nangkon na sonang rohangKu mida halahi. Tapi marhite porang, haleon dohot hamamasa ni nyae giot pangabisonKu halahi.”

MIKA 3:4

Dapot do i hatihana marsurak hamu mangido tolong tu Tuhan, tapi nada ra Ia mangalusi. Nada ra be Ia mangalusi angka tangiangmunu, hara ni na dung dibaen hamu pangalaho na jahat.

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.

MARKUS 10:38

Tapi didok Jesus ma, “So diboto hamu sanga aha na nipangidomunu. Tarinum hamu ma lakna siinumon parkancitan na giot inumonKi? Tolap hamu do lakna masuk tu sitaonon na giot sitaononKi?”

LUKAS 11:10

Angke sai manjagit do sude halak na mangido; dapotan do halak na manjalahi, jana ungkapon do pintu di na manektek pintu.

LUKAS 15:13

Nada sadia honok dung i, digadis sianggian i ma sude arta bagiannia i jana kehe ma ia tu sihadaoan, dioban ia ma sude hepengnia i. Disi ma ia marroha-roha mangabur-aburkon hepengnia i.

LUKAS 15:30

Anggo anakmi, madung diabiskon ia sude artami rap dohot angka dadaboru na so ture, hape disi mulak ia manigor disambol ho ma lombu na nipamokmok i disia.’

JAKOBUS 4:1

Sian dia dehe asal ni sude parbadaan dohot partangkangan na masa di hamu? Nada he sian angka hagiotmunu na sai giot torus marporang di bagasan dirimunu anso dapotan hasonangan portibi do asal ni i?

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.

1 JOHANNES 5:14

Jana puluk ma hita ro tu Debata, angke tangihononNia do sudena pangidoan na tapajojor tuSia mangihutkon hagiot ni rohaNia.