JAKOBUS 4:1 - BIBEL JAMITA NA DENGGAN

¹ Sian dia dehe asal ni sude parbadaan dohot partangkangan na masa di hamu? Nada he sian angka hagiotmunu na sai giot torus marporang di bagasan dirimunu anso dapotan hasonangan portibi do asal ni i?

JAKOBUS 4:1 ပူးပေါင်းရင်းမြစ်များ

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

SURAT NI SI PAULUS TU PARLAGUTAN ROM 7:23

tapi tangkas muse do huboto bahaso adong dope tona na asing di bagasan goar-goaran ni pamatangku na maralo tu na nidok ni tona na nioku ni taroktokki. Hara ni i ma umbaen na tarrahut au tu tona ni dosa na adong di bagasan goar-goaran ni pamatangku.

SURAT NI SI PAULUS TU PARLAGUTAN ROM 7:5

Angke taran mangolu di bagasan bako ni jolma dope hita, margogo do hagiot ni dosa na ro markite-hite Tona i, na markarejo di bagasan goar-goaran ni pamatangta i, mamparbatuhon hamatean.

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

GALATIA 5:17

Harana maralo do bakomunu na jat i tu hagiot ni Tondi Parbadia jana maralo muse do hagiot ni Tondi Parbadia tu bakomunu humani na jat i. Marsialoan do na dua i, gabe inda tarpatulus hamu be sanga aha por ni rohamunu.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

2 TIMOTEUS 2:23

Ulang ma dohoti angka partongkaran ni angka halak na oto na so umboto sanga aha. Angke diboto ho do i hum na parohon partangkangan do i.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

TITUS 3:9

Padao ma ho sian angka partongkaran na so marguna dohot sian parsoalan ni angka tarombo. Ulang dohot-dohoti angka partangkangan dohot parbadaan taringot tu angka Tona ni ugamo. Inda adong guna ni i sude jana nada adong muse untungna.

JAKOBUS 1:14

Tapi ganop halak digoda do marhite hagiotna sandiri na jahat i.

JAKOBUS 4:3

Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

1 PETRUS 1:14

Songon dakdanak na mangoloi poda ma hamu, jana ulang be mangoloi hagiotmunu najolo i ngolumunu, i ma dompak so ditanda hamu Debata.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu