JAKOBUS 3:6 - BIBEL JAMITA NA DENGGAN

⁶ Songon api do dila i. Asar ni hajahatan do dila i di pamatangta na pararatkon hajahatan tu sude dirinta. Markite-hite api na sian narako i, dipamosok ia ma sude ngolunta.

JAKOBUS 3:6 ပူးပေါင်းရင်းမြစ်များ

2 SAMUEL 16:20

Dung i didok si Absalom ma tu si Ahitofel, “Paboa ma sanga aha sipatupaonta.”

2 SAMUEL 19:43

Dialusi halak Israel i ma, “Sampulu lompit haknami gumodang di raja i ulang hamu, haru pe dumonok hamu tu raja i. Biasi palayasonmunu hami? Ulang hamu lupa, hami ma parjolo mangusulkon anso dioban raja i mangulahi!” Tapi kumaras dope halak Juda i sian halak Israel jana nada ra halahi talu.

2 JUJUR TAON 13:17

Godang do antong hataluan na nibaen ni si Abia dohot pasukannia i di halak Israel; lima ratus ribu parajurit na dumenggan mate.

MASMUR 140:3

Songon ulok na marbisa do dila ni halahi songon rasun ni ulok sonduk angka hata ni halahi.

MASMUR 64:3

Dipatajom halahi do dilana songon podang, mandokkoni angka hata na tajom songon pana.

PODA 15:1

Alus na lambok paombun rimas alus na kasar patamba gilap.

PODA 16:27

Dijalahi halak na jahat do dalan mangago na asing, hatana pe manjadi do marhite hajahatan.

PODA 7:5

Padaoon ni habisuhon i ma ho sian dadaboru ni halak na asing na sai manggogo manangkup rohamu dohot hata na tonggi.

JESAYA 30:27

Tarida do sian na dao kuaso dohot hagodangan ni Tuhan. Api dohot timus patuduhon rimas ni rohaNia. Mandok hata Ia, jana angka hataNia i manutung songon api.

JESAYA 50:11

Satutuna, sude hamu na pagara api jana mamasang pana-pana api, masuk ma hamu tu bagasan ngorngor ni apimu, dohot tu tonga-tonga ni pana api na nipasangmunu i! Hara ni tanganKu do tarjadi sudena i: Marpayakan ma hamu di inganan paruhuman i.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 28:16

Hara ni i pandok ni Tuhan sandiri, limpotkonon noma ho sian sisik ni tano on. Laing di bagasan taon on mate noma ho, angke madung disuru ho bangso on mangalo tu Tuhan.”

BILANGAN 25:2

Dioban angka dadaboru i ma halahi tu angka pesta, marhaul laho pasangapkon Debata Moab. Dipangan halak Israel ma panganon i jana dohot halahi manyomba Baal, debata

BILANGAN 31:16

Nada he diingot hamu, angka dadaboru i do na mangihutkon sipaingot ni si Bileam. Dielek-elek halahi halak Israel maninggalkon Tuhan di Peor, jana hara ni i do dibaen na diparo Tuhan hamatean di tonga-tonga ni halak Israel.

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MARKUS 7:15

Inda gabe hodar halak hara ni na masuk sian duru tu bagasan halahi. Tapi hara ni na haruar sian sada-sada halak do na mambaen ia hodar. [

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

BAENON NI ANGKA RASUL 20:30

Salang sian tonga-tongamunu sandiri pe, tarida ma angka halak sidok hata na so tutu. Anso gabe lilu sanga ise na dung porsaya tu Jesus jana mangihut tu halahi, i do tujuan ni halahi.

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

BAENON NI ANGKA RASUL 6:13

Jana dioban halahi muse ma angka saksi na mangalehen hatorangan na so tutu taringot tu si Stefanus. Didok angka saksi i ma, “Hum na mangincahi do bayo on tu Bagas Ni Debata na badia i jana laing diincahi ia do angka Tona Ni Debata na nipasahat ni si Musa i.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

JAKOBUS 2:7

Nada he halahi do na pabilehon Goar na sangap na marhite i hamu gabe nampuna ni Debata!

JAKOBUS 3:7

Sude ragam ni binatang na manjurur dohot angka ihan, tarpajinak do sude jana madung dipajinak jolma.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu

3 JOHANNES 1:10

Muda ro au bagi na andigan, hataanku do taringot tu pambaenannia, i ma taringot tu angka pangalaho na jat dohot gabus na nihatahonnia taringot tu hami! Tapi nada tuk dope i disia. Dompak na ro angka dongan Kristen i, nada ra ia manjagitsa. Diantahi ia muse dope halak na ra manjagit angka dongan i jana disuru ia anso morot halahi sian parlagutan i.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.