JAKOBUS 3:2 - BIBEL JAMITA NA DENGGAN

² Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.

JAKOBUS 3:2 ပူးပေါင်းရင်းမြစ်များ

1 RAJA-RAJA 8:46

“Muda mardosa bangsoMi tu Ho, sian sahalak pe nada adong na so mardosa, hara ni murukMu gabe dipadiar Ho ditaluhon musu halahi, jana dioban halahi gabe taban-taban tu luat na dao sanga na donok.”

2 JUJUR TAON 6:36

Muda mardosa bangsoMon tu Ho – tutu nian nada adong sada halak pe na so mardosa – jana hara ni murukMu gabe dipadiar Ho ditaluhon musu halahi jana dioban gabe taban tu luat na dao sanga na donok,

JOB 15:13

muruk ho tu Debata jana mangalosa.

MASMUR 34:13

Ulang pardokkoni angka hata na jat, jana ulang hagioti angka gabus.

MASMUR 39:1

Ning rohangku, “Manat-manat noma au di sibaenonku, jana nada be ra au mardosa di angka pandohanku. Nada ra au manghobari salolot donok halak parjahat i.”

PODA 10:19

Mur bahat mangkobari, mur bahat do hatiha mardosa, muda giot bisuk, gumonan do hohom sajo iba.

PODA 13:3

Halak na jamot mandok hatana, gabe aman; halak na purpur hatana dondonan ni partinaonan.

PODA 20:9

Adong ma he halak na bolas mandok hatana, “Ias do rohangku, madung malua au sian dosa!”

PODA 21:23

Laho pasiding hasusaan, patut do jamot di pandohanna.

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

HAMALIMON 13:39

angkon paresoon ni malim do halakna i. Muda bontar langan do tompa ni tihas i, i ma pano na langkot tusia, dohonon do ias halakna i.

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

MATEUS 12:37

Angke mangihutkon hatamu do ho nipatigor, jana mangihutkon hatamu do ho diuhumi.”

SURAT NI SI PAULUS TU PARLAGUTAN ROM 3:10

Songon na tarsurat i, “Nada adong na tigor, sahalak pe nada.

SURAT NI SI PAULUS TU PARLAGUTAN ROM 7:21

Jadi dapot au Tona songon on: Muda huparhagiot mambaen na denggan, na jahat i do ro tu au.

1 KORINTUS 9:27

Hupadiar do pamatangki dilatik sagogona lopus tarrajai au sudena i. Hubaen pe songon i, anso ulang sanga do tarderet au, dung husosoi halak na asing dohot di parlumbaan i.

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

GALATIA 5:17

Harana maralo do bakomunu na jat i tu hagiot ni Tondi Parbadia jana maralo muse do hagiot ni Tondi Parbadia tu bakomunu humani na jat i. Marsialoan do na dua i, gabe inda tarpatulus hamu be sanga aha por ni rohamunu.

KOLOSSE 1:28

Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

JAKOBUS 1:4

Jagohon hamu ma anso ulang mantak di tonga dalan hasobaronmunu i, tapi mur martumbur ma i lopus magodang hamu jana sanggam bope na so markahurangan hamu di sasudena.

JAKOBUS 2:10

Harana sanga ise na mangkarejohon sude Tona i, tapi nada dikarejohon ia sada sian i, na marsala do ia maradopkon sasudena i.

1 PETRUS 3:10

Di Buku Na Badia i tarsurat do songon on, “Sanga ise na giot maruli hangoluan jana na giot mandai angka ari na denggan, angkon jagohononna do dilana anso ulang dohot mangkobari angka na jat jana ulang mandok hata gabus bibirna.

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.