JAKOBUS 3:14 - BIBEL JAMITA NA DENGGAN

¹⁴ Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 3:14 ပူးပေါင်းရင်းမြစ်များ

PAMUNGKAAN 37:11

Goyak ma roha ni angka angkangna i mida si Josep, tapi anggo amangna i laing marpikir-pikir do taringot tu nipi i.

PAMUNGKAAN 38:9

Tapi diboto si Onan do, na so ia puna angka dakdanakna i muse. Jadi, ganop marcampur ia dohot tinggal-tinggalan ni angkangnia i, sai dipadiar ia do sampak tu tano samenia i anso ulang adong pomparan di angkangnia i.

2 RAJA-RAJA 10:16

laing didok ia muse ma, “Beta ma anso diida ho sandiri sanga na bia hubaen laho mangoloi Tuhan.” Jadi rap markareta ma halahi tu Samaria.

JOB 5:2

Hum halak na bodo sun do na mate hara ni hancit ni rohana sajo.

PODA 14:30

Roha na sonang pahoras pamatang; na mangiburu tarsongon nyae na maroban tu hamatean.

PODA 27:4

Kejam do haririmas jana manyegohon, tapi ise ma na tahan mangadopi pangiburuon?

JESAYA 11:13

Nada be mangiburu harajaan Israel mida Juda, jana Juda pe nada be musuanna Israel.

HABAKUK 1:3

Biasi dipadiar Ho au paida-ida hajahatan na songon i bahat? Tahan dehe Ho lakna paida-ida songon i bahat ni pangalaosion? Sanga na di dia masa hasegoan, na mangasahon gogo, parbadaan dohot parsalisian.

MATEUS 27:18

Didok gubernur i pe songon i hara ni na dung diboto ia do, na late do roha ni halahi umbaen na dipasahat halahi Jesus tusia.

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

BAENON NI ANGKA RASUL 13:45

Jadi dung diida halak Jahudi songon i, gabe mangiburu ma halahi. Diincahi halahi ma si Paulus jana dialo halahi ma sude hata na nidoknia i.

BAENON NI ANGKA RASUL 26:9

Anggo nabaruon au sandiri pe marpandapot, angkon niputusan do gogoniba laho mangalo Jesus halak Nasaret i.

BAENON NI ANGKA RASUL 5:17

Ujungna ro ma Malim Godang i dohot sudena dongannia, i ma golongan ni angka Saduse, mangamuk ma halahi hara ni na mangiburu.

BAENON NI ANGKA RASUL 7:9

Tapi mangiburu do angka ompunta i tu si Josep, jabat digadis halahi ia gabe hatoban tu tano Mesir. Tapi Debata do dongannia,

SURAT NI SI PAULUS TU PARLAGUTAN ROM 1:29

Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

SURAT NI SI PAULUS TU PARLAGUTAN ROM 2:17

Jadi saonnari, bia noma taringot tu hamu angka halak Jahudi on? Didok hamu, halak Jahudi hamu, na maniop Tona i jana na marjop ni roha di bagasan Debata;

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

1 KORINTUS 13:4

Sobar do holong ni roha i jana burju. Nada mangiburu anggo holong ni roha i, inda marhata manggang, nada ginjang rohana.

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.

1 KORINTUS 5:2

Haru ma songon i, hape laing pagodang-godang diri dope hamu. Angkon marsak ma hamu nian, jana paorotonmunu ma halak na marpangalaho sisongon i sian tonga-tongamunu.

1 KORINTUS 5:6

Nada denggan anggo na manggodang diri i hamu! Ning rohangku diboto hamu do pandohan on, “Saotik pe ragi i, gabe kombang do sude adonan i!”

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

GALATIA 5:15

Tapi muda marsisarbutan jana marsipanganan hamu sama hamu, jago ma hamu anso ulang marsipasudean.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

GALATIA 5:26

Ulang ma hita manjalahi pamujion ni diri na so hasaya, mangalap-alapi bada dohot na marsiiburuan roha, na sada tu na asing.

GALATIA 6:13

Angka halak na mangihutkon paraturan ni sunat i pe, nada didalankon halahi aturan i. Hape giot ni halahi angkon marsunat ma hamu, anso tarbaen halahi mamuji diri paboa na niihutkonmunu paraturan i.

PILIPPI 1:15

Tutu do nian adong deba sian halahi na manjamitahon Kristus hara ni na mangiburu bope hara ni na marsalisi, tapi anggo deba hara ni burju ni roha do manjamitahon Kristus i.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

1 TIMOTEUS 2:4

GiotNia ulang so nipalua halak sudena jana rap umboto di na sintong,

1 TIMOTEUS 6:4

Angka siginjang roha do i, hape nian so adong na binotona sanga aha! Na tagi-tagi marsoal dohot martongkari do i taringot tu angka pandohan, na mambaen anyok ni roha, hasisirang, marsitilakoan, manuhas na so ture,

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

JAKOBUS 3:16

Muda masa pangiburuon dohot na manyarihon dirina be, masa muse ma disi hagaoron dohot sude ragam-ragam ni na jat.

JAKOBUS 5:19

Hamu angka dongan! Muda adong barang ise na lilu sian hatigoran i, dung i adong barang ise na paulakkon rohania,