JAKOBUS 2:8 - BIBEL JAMITA NA DENGGAN

⁸ Na denggan ma na nibaenmunu muda dipatulus hamu tona na gumodang tarsurat di Buku Na Badia i na mandok, “Haholongi ma donganmu jolma songon pangkaholongimu di dirimu sandiri.”

JAKOBUS 2:8 ပူးပေါင်းရင်းမြစ်များ

1 RAJA-RAJA 8:18

Tapi didok Tuhan i do tusia, ‘Denggan do maksudmi nian.

2 RAJA-RAJA 7:9

Dung i mangkatai ma halahi sama halahi, “Nada na denggan karejonta on! Barita na denggan do on! Sapatutna angkon paboaonta do on! Muda tapainte lalu tu ancogot, gabe hona uhum ma hita. Beta ma tapaboa na masa on tu angka parpangkat di harajaan on.”

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

JUNUS 4:4

Didok Tuhan ma mangalusi, “Patut ma he ho muruk?”

JUNUS 4:9

Tapi didok Debata ma tusia, “Nada didalanna gabe songon i arsakmu hara ni suan-suanan i!” Didok si Junus ma mangalusi, “Biasi nada? Dalanna ma da au muruk sajo lopus mate.”

MATEUS 22:39

Tona na ummarga na paduahon, sarupa dohot tona na parjolo nangkin: Angkon haholonganmu do donganmu jolma songon pangkaholongimu di dirimu sandiri.

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MATEUS 25:23

‘Denggan ma i,’ ning tuan i, ‘ho ma ibana naposo na denggan jana na burju. Dibaen haposan do ho di na otik, laing pasahaton ma pos ni roha tu ho taringot tu na bahat. Masuk ma ho anso dohot marsonang-sonang rap dohot au!’

MATEUS 7:12

Baen ma tu halak na asing, sanga aha por ni rohamu baenon ni halahi tu hamu. Songon i ma impola ni angka Tona dohot hata ni angka panurirang.”

SURAT NI SI PAULUS TU PARLAGUTAN ROM 13:10

Sanga ise na mangkaholongi donganna jolma, nada baenonna be na jahat tu halahi. Jadi sanga ise na markolong ni roha, i ma halak na dung patuluskon Tona i.

GALATIA 5:14

Angke sude Tona i dipasada do di bagasan sada parenta na mandok, “Angkon haholonganmu do donganmu jolma songon pangkaholongimu di dirimu sandiri.”

GALATIA 6:2

Marsiurupan ma hamu mamorsan boban na dokdok i, songon i ma baen hamu patuluskon parenta ni Kristus i.

PILIPPI 4:14

Tapi madung diurupi hamu au di sudena hasusaanku; jana na denggan do pambaenanmunu i.

1 TESSALONIKA 4:9

Nada pola porlu be suratkononnami tu hamu anggo taringot tu na manghaholongi dongan sahaporsayaan sanga na bia baenonmunu. Hamu sandiri pe madung diajari Debata anso marsihaholongan.

JAKOBUS 1:25

Sanggam do tona i jana margogo do i laho mambaen jolma gabe mardeka. Jana sanga ise na manangkasi dohot na mamparrohahon dohot denggan bope na patuluskon angka parenta i, jana nada hum na manangihon sajo jana mangkalupahonsa, martua ma halakna i di sude pangalaho na nibaennia.

JAKOBUS 2:12

Jadi muda mangkobari hamu sanga patupahon bagi aha, angkon hilalaonmunu do, hamu sandiri pe laing halak siuhumon do mangihutkon Tona Ni Debata na mambaen jolma gabe mardeka.

JAKOBUS 2:19

Nada he porsaya do ho hum sada do Debata? Denggan do i! Tapi setan i pe porsaya do jana humitir halahi hara ni biarna!

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.