JAKOBUS 2:6 - BIBEL JAMITA NA DENGGAN

⁶ Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

JAKOBUS 2:6 ပူးပေါင်းရင်းမြစ်များ

JOB 20:19

Harana na mamisat do ia antong jana mambaen mompas halak na so mardiha-diha; dirampas ia do angka bagas na so nipajongjongna.

MASMUR 10:10

Dung i madabu ma na so margogo i lalu mate, pambaen ni hagogoon ni halak parlate.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 10:2

Mardongan jungkat halak na jahat i mamparkanciti na dangol; padiar ma hara ni hajahatanna gabe halahi manaon.

MASMUR 10:8

Martabuni ia di angka huta giot mamunu halak na so marsala. Songon singa paintehon di balik ni ramba na poso, mangaligi-ligi halak na so margogo. Diolat ia halak na dangol di inganan na buni, ditangkup lalu disarat ia sian i.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 14:6

Digaor halak na jahat i angka sangkap ni halak na pogos, hape jolma na pogos i do na diurupi Tuhan.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

PODA 18:23

Halak na pogos marsopan do mangido; mardongan songgak-songgak do alus ni halak na kayo.

PODA 22:16

Sanga ise na mamisat halak na so marnampuna jana marsilua tu halak na mora mardongan maksud anso mamora gabe marpogos situtu do i di ujungna.

PODA 22:7

Guru dok ni paradongan do halak na pogos gabe hatoban ni parsingir do parutang.

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

HABAKUK 3:14

Mangkatombuk dibaen angka siorMu na mamimpin parangan ni musu, di na ro paranganna i songon gogo ni halingsungsung, anso masarsar nian hami dibaen. Martata ma halahi marsonang-sonang laho mamparkanciti halak na marhahurangan.

ZAKARIA 7:10

Ulang pisat hamu angka na mabalu, angka dakdanak na so marama so marina, angka halak na asing na maringanan di tonga-tongamunu, sanga na tu ise pe tehe na di bagasan hasusaan. Jana ulang baen hamu muse sangkap na jahat tu hamu sama hamu.’

JOHANNES 8:49

Dialusi Jesus ma, “Nada na nisonggopan ni setan Au! Na pasangapkon Damang do Au, hape nada dipasangap hamu Au.

BAENON NI ANGKA RASUL 13:50

Tapi dijajang halak Jahudi i ma angka dadaboru sian halak na sangap angka na mangkabiari Debata. Dipatubu halahi ma goyak ni roha mida si Paulus dohot si Barnabas, jana dipaorot halahi ma halahi na dua sian luat i.

BAENON NI ANGKA RASUL 17:6

Tapi hara ni na so dapot halahi si Paulus dohot si Silas gabe si Jason ma ditarik halahi dohot deba nari na porsaya i tu jolo ni angka panjabat na markuaso di kota i. Marsurak ma halahi, “Angka on ma sipanggaori i di na satano on! Saonnari giot di hita on ma halahi manggaori,

BAENON NI ANGKA RASUL 18:12

Dung si Galio gabe gubernur di Akaya, satahi ma halak Jahudi mangalo si Paulus jana dioban halahi ma ia tu pangadilan.

BAENON NI ANGKA RASUL 8:3

Tapi anggo si Saulus sai manggogo ma ia laho manyursari parlagutan i. Masuk ma ia sian bagas na sada tu bagas na asing manyarat halak na porsaya i tu ruar, dipamasuk ia ma halahi tu hurungan.

1 KORINTUS 11:22

Biasi songon i? Inda he adong bagasmunu; di bagasmunu be ma mangan minum hamu! Adong he na giot palayaskon parlagutan ni Debata do hamu jana pailahon angka dongan na pogos? Angkon bia do dokkononku tu hamu? Pujionku dope hamu? Anggo taringot tusi, nada pujionku hamu.

JAKOBUS 2:3

gabe sumangapan ma hamu tu bayo na marpakean na jeges i. Dokkononmunu ma tusia, “Di karosi na jumegesna on ma tuan i juguk.” Hape anggo tu bayo na pogos i dokkononmunu ma, “Disadu ma ho jongjong,” sanga “Dilante on ma da pajuguk.”

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.