JAKOBUS 2:5 - BIBEL JAMITA NA DENGGAN

⁵ Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

JAKOBUS 2:5 ပူးပေါင်းရင်းမြစ်များ

1 RAJA-RAJA 22:28

Didok si Mika ma, “Muda horas torkis do tuan i mulak, i ma tandana na so mandok hata Tuhan marhite sian au! Tu hamu sude ma na hudok on!”

JOB 34:10

O hamu angka halak na mamboto, tangihon ma! Ra ma he Debata Na Markuaso i mambaen na sala?

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

JOB 38:14

Sinondang ni arian patidahon dolok dohot rura anso tangkas songon cap di tano liat jana songon pangalompitan ni baju jas.

HARURUAR 20:6

Tapi patidahononKu do holong ni rohangKu maradopkon marribu-ribu halak; i ma na mangkaholongi Au jana na mangoloi parentangKu.

PODA 13:7

Adong do halak paula-ula na kayo hape nada mararta; adong halak na paula-ula pogos hape na sun morana.

PODA 7:24

Hara ni i, ale dakdanak, tangihon ma au. Parrohahon ma angka sipaingotku.

PODA 8:32

Tangihon ma au, ale na poso-poso! Ihutkon ma panogu-noguonku anso martua ho.

JESAYA 14:32

Aha ma ulaning alusta tu angka suruan na ro i sian Pilistin? Tadok ma tu halahi bahaso na dung dipauli Tuhan, Sion jana disi ma dapotan pangondian bangsoNia na marhancit.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

ZAKARIA 11:11

Laing di na sadari i, dibotalkon ma antong parjanjian i. Dipamanat-manat angka parjagal i ma au, jana mamoto ma halahi na manghobari do hape Tuhan markite-hite sandok pangalahongki.

ZAKARIA 11:7

Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 25:34

Dung i dohonon ni Raja i ma hata tu angka na di siamunNia i, ‘Ro ma hamu angka na nipasupasu ni Damang. Masuk ma hamu tu bagasan harajaan na dung diparade di hamu mamungka sian na manompa portibi on.

MATEUS 5:3

“Martua ma angka na dangol di tondina, dibaen di halahi do Harajaan Ni Banua Ginjang!

MARKUS 7:14

Dung i dipiohon Jesus ma sanoli nari halak na bahat i. Didok Ia ma tu halahi, “Hamu sude, tangihon hamu ma na Hudok on! Astui hamu ma!

LUKAS 12:21

Laho paujungkon carito i didok Jesus ma, “Songon i ma pangalaho ni halak na sai torus palagut arta tu dirina sandiri sajo, tapi nada mamora di adopan ni Debata.”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

LUKAS 16:22

Dung i jumolo ma halak na pogos i jana dioban surusuruan ma ia tu inganan na dumenggan di lambung ni si Abraham di banua ginjang i. Halak na kayo i pe jumolo muse ma jana ditanom.

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

LUKAS 22:29

Songon dia pangalehen ni Damang di Au kuaso laho mamarenta, laing songon i ma Hulehen kuaso di hamu laho mamarenta.

LUKAS 6:20

Ditailihon Ia ma angka anak siseanNia i didok Ia ma, “Martua ma hamu angka halak na dangol, harana hamu do nampuna Harajaan Ni Debata!

JOHANNES 7:48

“Adong dehe sada halak sian angka pamimpin sanga halak Parise na dung porsaya tuSia?

BAENON NI ANGKA RASUL 7:2

Dialusi si Stefanus ma, “Hamu ale angka dongan bope angka amanami! Tangihon hamu ma jolo na hudok on! Dompak so bungkas ompunta si Abraham tu Haran, hatiha di Mesopotamia dope ia, ro ma Debata na marmulia i tusia

SURAT NI SI PAULUS TU PARLAGUTAN ROM 8:17

Antong, muda dakdanak ni Debata hita, gabe panean ma hita na giot manjagit angka pasupasu na nipasingkop ni Debata di angka dakdanakNia. Rap manjagit ma hita dohot Kristus sanga aha na dung nipasingkop ni Debata. Angke muda manaon na hancit hita rap dohot Kristus, laing dipasangap muse ma hita rap dohot Ia.

1 KORINTUS 2:9

Tapi songon na nidok ni surat di Buku Na Badia i do, “Anggo di angka halak na manghaholongi Debata, madung dipasingkop Debata hian angka na so unjung diida mata, sanga dibege jolma, jana na so jungada muse dope tubu di bagasan roha ni jolma.”

2 KORINTUS 4:15

Mardomu tu na hasaya di hamu do sudena i. Angke muda mur bahat halak mandai holong ni roha ni Debata, mur bahat muse do tangiang tarimakasi na nipasahat tu Debata; jadi muda songon i, marsangap ma Debata.

2 KORINTUS 6:10

Haru pe dipaarsak rohanami, hape sai marjop ni roha do hami. Anggo idaon pogos do hami, hape bahat do halak gabe maradong hami baen. Anggo idaon na so adong do sanga na ahanami, tapi anggo satutuna sasudena do adong di hami.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

1 TESSALONIKA 2:12

Hami paingot, hami sosoi jana hami jujui do hamu anso mangolu hamu mangihutkon na tumbuk di roha ni Debata, na mamiohon hamu tu bagasan Harajaan bope hasangapanNia.

2 TESSALONIKA 1:5

Dison ma tarida sanga na bia tigorna Uhum Ni Debata: Manaon parkancitan do hamu hara ni Harajaan Ni Debata, jadi etongon ma hamu songon halak na patut masuk tusi.

1 TIMOTEUS 6:18

Paingot ma halahi laho patuduhon hadengganan, laho patupahon bahat pangalaho na denggan, habasaon dohot haburjuon mangalehen.

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

JAKOBUS 1:16

Ulang hamu tarpaoto-oto, ale angka dongan!

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

JAKOBUS 1:9

Sanga ise halak Kristen na pogos, jop ma rohania muda dipagincat Debata ia.

1 PETRUS 1:4

Hara ni i do umbaen na mararop ni roha hita maruli di pasupasu na nipasingkop ni Debata di halakNia, i ma angka pasupasu na nipasingkopNia di banua ginjang, gabe nada ra sego, sanga busuk, sanga manyocang.

2 PETRUS 1:11

Jadi muda songon i, lehenonNa ma di hamu hak na gok anso gabe anggota ni Harajaan Na Manongtong, i ma Harajaan Ni Tuhan dohot Sipalua hita, i ma Jesus Kristus na mamarenta salolot ni lolotna.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!

HALUMBAAN 21:7

Sanga ise halak na monang, jagitonnia ma sudena on sian Au. Au ma gabe Debatana jana ia ma gabe anakKu.

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

HAKIM-HAKIM 9:7

Dung dibege si Jotam salaho tusi, kehe ma ia tu puncut ni Dolok Gerisim, lalu marsurak ma ia sian i adop angka jolma i, “Tangihon hamu au, hamu angka halak Sikem, anso laing ditangihon Debata muse hamu!

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.