JAKOBUS 2:3 - BIBEL JAMITA NA DENGGAN

³ gabe sumangapan ma hamu tu bayo na marpakean na jeges i. Dokkononmunu ma tusia, “Di karosi na jumegesna on ma tuan i juguk.” Hape anggo tu bayo na pogos i dokkononmunu ma, “Disadu ma ho jongjong,” sanga “Dilante on ma da pajuguk.”

JAKOBUS 2:3 ပူးပေါင်းရင်းမြစ်များ

PODA 18:23

Halak na pogos marsopan do mangido; mardongan songgak-songgak do alus ni halak na kayo.

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

LUKAS 23:11

Dipacia-cia si Herodes dohot angka tentarana i ma Jesus, diincak-incahi, dung i diabitkon halahi ma tusia pakean hasangapan, dung i ditongos halahi ma Jesus mangulahi tu si Latus.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

JAKOBUS 2:2

Angke muda adong sada halak na martintin sere dohot na marpakean na jeges ro tu parpunguanmunu, dung i ro muse ma sada halak na pogos na mamake pakean na mardungkap,

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.