JAKOBUS 2:23 - BIBEL JAMITA NA DENGGAN

²³ Hombar do i tu ayat na mandok, “Porsaya do si Abraham tu Debata, jana dietong ma i disia gabe hatigoran.” Hara ni i ma umbaen na nigoaran si Abraham, “Ale-ale ni Debata.”

JAKOBUS 2:23 ပူးပေါင်းရင်းမြစ်များ

PAMUNGKAAN 15:6

Porsaya do si Abram tu Tuhan, jana dietong ma i disia gabe hatigoran.

2 JUJUR TAON 20:7

Ho do Debatanami. Dompak na ro bangsoMu Israel tu luat on, dipaorot Ho do angka jolma na maringanan hatiha i dison. Lalu dilehen Ho luat on tu pomparan ni si Abraham, ale-aleMi anso gabe tano nampuna ni halahi sandiri sapanjangna.

JOB 16:21

Iale, sugari nian Debata sandiri ma mangampini di joloNia; songon halak na rade mangondihon ale-alena.

HARURUAR 33:11

Jana marsiadopan bohi do Tuhan manghatai dohot si Musa songon sada halak na manghatai dohot donganna; dung sidung, mulak ma ia mangulahi tu parbandaran. Tapi anggo pangoloinia si Josua anak ni si Nun, na poso dope. Anggo ia nada morot sian bandar i.

JESAYA 41:8

Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

MARKUS 12:10

Tontu ma disise hamu ayat on di Buku Na Badia i, ‘Batu na niambungkon ni pande bagas, madung gabe batu parsuhi.

MARKUS 15:27

Diparsilangkon halahi muse do rap dohot Jesus dua halak panyamun. Sada di siamunNia, na sada nari di siambirangNia. [

LUKAS 4:21

Dung i dipungka Ia ma mandok tu halahi, “Sadari on ma hasongtian surat on, taran dibege hamu dope!”

BAENON NI ANGKA RASUL 1:16

“Hamu ale angka dongan! Angkon tulus do tarjadi sanga aha na tarsurat di Buku Na Badia i. Najolo madung dipaboa Tondi Parbadia markite-hite si Daud taringot tu si Judas, i ma na manguluhon halak laho manangkup Jesus i.

SURAT NI SI PAULUS TU PARLAGUTAN ROM 11:2

Nada! Nada diambungkon Debata bangso na nipiliNia i sian mulana. Diboto hamu do ale angka dongan na tarsurat di Buku Na Badia i taringot tu si Elia, di na niaduhonNia pangalaho ni halak Israel tu Debata. Didok si Elia,

SURAT NI SI PAULUS TU PARLAGUTAN ROM 9:17

Angke Buku Na Badia i mandok tu raja ni Mesir, “Hubaen pe ho gabe raja, na adong do sada maksudKu, i ma laho patuduhon kuasongKu markite-hite ho jana mambaen tarbonggal goarKu di portibi on sudena.”

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

GALATIA 3:6

Anggo i tudos tu na tarsurat di Buku Na Badia i do, na manaringoti si Abraham, songon on didok, “Dihaporsayai si Abraham do Debata, jana hara ni haporsayaannia i, dietong roha ni Debata ma ia songon sada halak na mardenggan tuSia mangulahi.”

2 TIMOTEUS 3:16

Sudena na tarsurat di Buku Na Badia i na nituturkon ni Debata i, na marguna do i laho mangajarkon na sintong, manggorahon dohot paturehon na sala bope laho mangajari jolma anso mangolu di bagasan hatigoran.

JAKOBUS 2:24

Tangkas ma saonnari, anso denggan dijagit Debata jolma laing hara ni pambaenan na nikarejohon ni jolma i do, jana nada hum hara ni haporsayaan sajo.

1 PETRUS 2:6

Harana tarsurat do di Buku Na Badia i songon on, “Madung Hupili sada batu na arga, na Hupayakkon di Sion gabe batu parsuhi; jana sanga ise na porsaya tuSia nada pailaon.”