JAKOBUS 2:22 - BIBEL JAMITA NA DENGGAN

²² Dison tarida ma, angkon nipatuduhon do haporsayaan i dohot pambaenan anso gabe sanggam.

JAKOBUS 2:22 ပူးပေါင်းရင်းမြစ်များ

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

JOHANNES 6:29

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

JAKOBUS 2:18

Tapi sugari adong na mandok, “Haporsayaan do di ho, pambaenan i di au. Antong patidahon ma di au haporsayaanmu na so mardongan pambaenan, jana hupatidahon di ho sian pambaenan do haporsayaanki.”

1 JOHANNES 2:5

Tapi sanga ise na burju mangoloi hata ni Debata, sanggam ma haholongannia Debata. I ma tandana paboa na dung marsada ngolunta dohot Debata.