JAKOBUS 2:21 - BIBEL JAMITA NA DENGGAN

²¹ Ligi hamu ma ompunta si Abraham. Denggan ia dijagit Debata, hara ni pambaenannia do, i ma di na nihaulkonnia si Ishak anaknia i tu Debata di inganan parkaulan ni haul.

JAKOBUS 2:21 ပူးပေါင်းရင်းမြစ်များ

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

JESAYA 51:2

Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.

MATEUS 12:37

Angke mangihutkon hatamu do ho nipatigor, jana mangihutkon hatamu do ho diuhumi.”

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

LUKAS 1:73

Na dung marsumpa do Ia tu ompunta si Abraham, jana marjanji Ia laho paluahon hita sian musunta, anso taoloi Ia mardongan biar ni roha,

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

LUKAS 16:30

Tapi dialusi halak na kayo i ma, ‘Nada tuk i, amang Abraham. Tapi sugari adong ma halak na mate na mulak mangolu jana ro mandapotkon halahi, baru pe anso muba halahi sian angka dosa ni halahi.’

JOHANNES 8:39

Dialusi halahi ma, “Si Abraham do ompunami.” Didok Jesus ma, “Anggo na tutu ma hamu pomparan ni si Abraham, tontu baenonmunu do sanga aha na nibaen ni si Abraham.

JOHANNES 8:53

Madung mate angka panurirang. Dohot ise ma patudosonMu diriMu? Adong he gumodang Ho ulang pado amanami si Abraham na dung mate?”

BAENON NI ANGKA RASUL 7:2

Dialusi si Stefanus ma, “Hamu ale angka dongan bope angka amanami! Tangihon hamu ma jolo na hudok on! Dompak so bungkas ompunta si Abraham tu Haran, hatiha di Mesopotamia dope ia, ro ma Debata na marmulia i tusia

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

SURAT NI SI PAULUS TU PARLAGUTAN ROM 4:1

Antong, aha ma tardok hita taringot tu ompunta si Abraham? Aha ma he na dumpang di hajolmaonnia lakna?

SURAT NI SI PAULUS TU PARLAGUTAN ROM 4:12

Dohot do ia gabe ompu ni angka na marsunat, i ma na so hum marsunat sajo, tapi na mardalan muse mangihutkon indege ni haporsayaan ni si Abraham, ompunta i, taran so marsunat dope ia.

SURAT NI SI PAULUS TU PARLAGUTAN ROM 4:16

Hara ni i, janji i marondolan tu haporsayaan, anso mangihutkon asi ni roha, gabe marpanginonai ma janji i tu sude pomparan ni si Abraham, nada hum di halak na mangolu sian Tona i, tapi dohot do di halak na mangolu sian haporsayaan ni si Abraham. Ompu ni hita sude do ia,

IBRANI 11:17

Laing hara ni na porsaya, di na niuji ni Debata si Abraham, dipasahat si Abraham do si Ishak anakna i nihaulkon gabe haul. Haru pe madung dilehen tu si Abraham anak na nijanjihon ni Debata i; jana haru pe na dung didok Debata taringot tu dakdanak i, “Sian si Ishak on ma jagitonmu pomparan na Hujanjihon i tu ho,” haru songon i pe laing rade dope si Abraham pasahatkon anaknia na sasada i.

JAKOBUS 2:18

Tapi sugari adong na mandok, “Haporsayaan do di ho, pambaenan i di au. Antong patidahon ma di au haporsayaanmu na so mardongan pambaenan, jana hupatidahon di ho sian pambaenan do haporsayaanki.”

JAKOBUS 2:24

Tangkas ma saonnari, anso denggan dijagit Debata jolma laing hara ni pambaenan na nikarejohon ni jolma i do, jana nada hum hara ni haporsayaan sajo.

JOSUA 24:3

Dung i Hubuat ma si Abraham, ompumunu i sian luat na di ipar ni Batang aek Efrat i, lalu Huoban mangaliati sude tano Kanaan. Jana Hulehen disia pomparan na bahat. Mula-mulana Hulehen si Ishak disia,