JAKOBUS 2:15 - BIBEL JAMITA NA DENGGAN

¹⁵ Sugari adong sada dongan Kristen na mangkaporluhon pakean jana na so tuk panganonnia siganop ari.

JAKOBUS 2:15 ပူးပေါင်းရင်းမြစ်များ

JESAYA 58:10

Usehon ma rohamu tu halak na malean, jana pasombu ma roha ni halak na targogot. Muda dibaen hamu songon i gabe bincar ma sinondangmunu di bagasan hagolapan jana hagolapanmunu gabe songon torang ni ari.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

MARKUS 14:7

Anggo halak na pogos tongtong do adong di tonga-tongamunu. Sanga sadihari anggo na ra do hamu, tarurupi hamu do halahi. Tapi anggo Au nada tongtong di lambungmunu.

LUKAS 3:11

Ning si Johannes ma mangalusi, “Halak na marbaju dua angkon lehenonnia ma sada tu halak na so adong bajuna; songon i muse halak nampuna sipanganon, angkon bagihononnia ma i tu halak na asing.”

BAENON NI ANGKA RASUL 9:29

Mangkobari ma ia jana marsoal jawab dohot halak Jahudi na marhata Junani, tapi diakalkon halahi do laho mamunu ia.

IBRANI 11:37

Didanggur do halahi dohot batu lopus mate, dilobong do halahi dohot gargaji, dimatehon dohot podang. Madang-adang halahi mamake baju sian bobak ni biri-biri sanga bobak ni hambeng; marpogos do halahi, diparkanciti jana disiksa.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 JOHANNES 3:17

Muda adong sada halak na marsinadongan di tano on na marnida donganna markahurangan, hape nada ra ia patuduhon ibo ni roha tu donganna i, bia ma he pandoknia na holong rohania tu Debata?