JAKOBUS 2:12 - BIBEL JAMITA NA DENGGAN

¹² Jadi muda mangkobari hamu sanga patupahon bagi aha, angkon hilalaonmunu do, hamu sandiri pe laing halak siuhumon do mangihutkon Tona Ni Debata na mambaen jolma gabe mardeka.

JAKOBUS 2:12 ပူးပေါင်းရင်းမြစ်များ

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

JOHANNES 8:32

Botoonmunu ma hasintongan i jana paluaon ni hasintongan i ma hamu.”

GALATIA 6:2

Marsiurupan ma hamu mamorsan boban na dokdok i, songon i ma baen hamu patuluskon parenta ni Kristus i.

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

JAKOBUS 1:25

Sanggam do tona i jana margogo do i laho mambaen jolma gabe mardeka. Jana sanga ise na manangkasi dohot na mamparrohahon dohot denggan bope na patuluskon angka parenta i, jana nada hum na manangihon sajo jana mangkalupahonsa, martua ma halakna i di sude pangalaho na nibaennia.

JAKOBUS 2:8

Na denggan ma na nibaenmunu muda dipatulus hamu tona na gumodang tarsurat di Buku Na Badia i na mandok, “Haholongi ma donganmu jolma songon pangkaholongimu di dirimu sandiri.”